عملت على الغدا صينية الدجاج بالبطاطس على طريقة منال العالم
وكانت لذيذه وصحية وهذا تطبيقي لها
المكونات
2 بصل شرايح
5 فصوص ثوم شرائح
4بطاطس حلقات
4 طماطم حلقات
4 جزر حلقات
زهرة مقطعه
1 فلفل اخضر
1 فلفل اصفر
1 فلفل احمر
10 قطع دجاج
2 ملعة زيت زيتون
اول شي رصيت الخضار في الصينيه البصل والبطاطس و وباقي الخضار كلها رصيتها فوق بعض بالترتيب
البهارات في وعاء مطحونه و مخلوطه مع بعض
1م ص ملح
2م ص بهار مشكل
نص م ص كركم
1م ص كزبرة ناشفه
1 م ص قرفه
1م ص كمون
ربع م ص فلفل اسود
طبعا اغطي قطع الدجاج بالبهارات بهذا الشكل وارصها فوق الخضار مثل ما احنا شايفين بشكل مرتب
وبعدين اضيف شوية زيت زيتون وشوية مويه
بعد كذا اغطيها بالقصدير وادخلها الفرن من تحت على درجة حراره عاليه
واتركها لمدة ساعه على الاقل
وبعدين اشغل عليها شويه من فوق
وهذا الشكل بعد ما تطلع من الفرن
وطبعا في التقديم
وبلصحه والعافيه
