ضربته مثل ماضرب بنتي

السلام عليكم ورحمة الله


اليوم بعد صلاة الجمعه زوجي راح للمسجد ورجع وهو راجع ودخل مجلس الرجال لكهفه وشاف جواله ثم جانا يركض داخل مين رد على جوالي مين اذا ما قلتو مين بتشوفون نجم السماء
وجا يمي قال انتي محد غيرك ياعقرب انتي قلت انا وش سويت ويسحبني مع كتفي ويقول انتي رديتي على جوالي قولي لي وش سمعتي صوت وش


وانا مصدومه ماتحركت من مكاني وش اللي رديت على جواله حسيت انه مو صاحي وماكنت مصدقه وحسيته يا يمثل يا مريض نفسيا يتخيل


طال الصراخ وشتيمته لي وانا ساكته عنه ويمسك الاطفال بزاويه ويقول لهم مين مسك جوالي ورد على الاتصال قولي مين امكم ولا مين وبيده عصا وطفالي يبكون خايفين منه ومن عصاه قال انا مركب كاميره الان اشغلها واشوف مين وهو كذاب مافيه
وقال ان ما قلتم الحين عقاب اللي مسك جوالي اكثر بعد ما اشوف الكاميره


بنتي ام سبع سنين بكت وانهارت بعد ماقال كذا على طول بكت ويسحبها قال انتي صح قالت ايوه خلاص اسفه خلاص ويسحبها مع شعرها ويحطها قدامه يبعدها عن اخوانها ويضربها بالعصا وهي تصرخ صراخها قطع قلبي حاولت اتماسك وابكي معها وهي تنضرب وتحط يدها على وجها وتحط يدها على العصا بتمسك العصا عشان ماتجي جسمها
هنا انا انهرت بدون شعور كان قدامي حافظة اكل اخذتها وضربته براسه باقوى ماعندي وسحبت العصا وجلست اضربه اضربه بدون شعور لين انكسرت العصا وقام سحبني مع شعري قال برا بيتي ويسحبني وانا اقول طيب بطلع بس باخذ عبايه ويسحبني مع الباب وانا امسك الباب بيدي ويسحب واطفالي يصيحون كلهم انا ماصحت لانه يسحبني كنت افكر ما ابغا اطلع للشارع من غير عبايه وش يقولون اللي بالشارع عني قلت ابغى عبايتي تطمن بطلع بس ابغا عبايه قال لا تطلعين كذا
قلت والله بطلع وبروح للشرطه بس عطني العبايه وجلس يتفل بوجهي وياخذ العصا اللي انكسرت ويضربني يقول روحي الان للشرطه وانتي مضروبه
قلت ايوا اضرب لاني راح اوريهم ضربك لي واملي بالله بلقا من ينصرني اكيد بيكون هناك عيال حلال بيساعدوني وياخذون حقي
وهو يمشي وراي ويضربني وانا رايحه اخذ عباتي يمشي وراي ومعه باقي العصا ويضربني مع رجلي وبظهري ويشتمني باسلوب وسخ وطلعت انا رحت لجارتي وكلمت اخوي وقال ارجعي بيتك انا بكره جايك ورجعت بيتي وهو بمجلسه وفهمت اخوي بكل شي قال اكلم اخواني الباقين ويصير خير


مدري بنات خايفه وبداخلي خوف كبير هو مايدري اني رجعت لانه جالس بكهفه بالمجلس اخاف يشوفني بأي لحظه ويطردني لاني ضربته