ضربته وضربني رجلي محتاجة خياطة الله لايضيقها عليكو

السلام عليكم
المشكلة غريبة والعنوان تمويه والنفسية زفت
بنات زوجي من اول عنده وسواس نظافة لكن كان مقتصر على النظافة الشخصية
اول ايام هذا الفيروس اخذه مزح لكن صار جد غير رأيه
تقريبا له أكثر من كم يوم بالبيت واليوم مع الحظر خلاص مسنتر
جايب معقمات ومستلزمات تنظيف كل يوم مخليني اعقم البيت بالكامل وهو واقف فوق راسي ويأشر بصبعه هنا وروحي امسحى هناك ومطلع الولد كل يوم يخليه ينظف السيارة ويعقمها ويعقم كل شي بطريقه
كل حاجة بالبيت تتعقم يوميا
يدخل غرف العيال والبنات يشيك مستشار صحي
اي حركة يحسبها علينا امس بنتي جنبي حطت يدها على وجهها لمحها شال علبة كلينكس ورماها عليها
مثل العجوز لي مزوج عياله وبناته ماعنده شي يتسلى فيه غير البيت يدور مشكلة
تحملته تحملته بعدين صرخت عليه انفجع وعصب يقول انتي مستهترة بالوباء
اتهمني بعدم النظافة ماحبيت اتكلم اكثر سكتت
مافي شغل عنده الاستراحة هددوه اذا راح وخذ اخويائه بيبلغون عليهم راح البر معاهم في عسكري جزاه الله خير رجعهم ورجع معصب يعني مافي شي يسليهم غير الديوانية وكل واحد لزم بيته خاف يشوفو تجمع عنده اصحابه كثار يتجمعون عنده كل كم يوم شيش وشاي خاف يقعدون ويبلغون عليه الصبح يطلع كم ساعة يشوف حلاله ويرجع للبيت
طول وقته بالبيت يحوقل ويسب يدور اي احد بوجهه ينفس فيه
حاول يسافر لكن ماقدر يبغى يترك اكثر مكان أمن ويروح
امس قرر يطلع من البيت ويروح مزرعته بلغني قلت نغير جو قال لاتسني سنونك انتي خليكي هنا انا بطلع بس وبرجع بعد كم يوم
وهو طالع صار يقول وانا مجنون اقعد بينكم طلع المغرب والان قاعد هناك انا ارتحت شوي الضغط راح عني
حسيت طلعته بسببي لانه قرر يخرج بعد ماصرخت عليه واليوم عرفت انه اصحابه تجمعو عنده هناك والمكان بعيد قالي خليكي مع عيالك والله ماتشوفي وجهي الا بعد مايفكو الحظر وحلف على هذا الاساس
الحين اتركه براحته ولا اكلمه يرجع واضغط عليه
النفسية مثل الطين صارت
واسفة على العنوان مرة ثانية بس من الطفش
واذا في نفسية بتدخل تتكلم خليها برا