°•.¸مزاجي صعب¸.•° @mzagy_saab_2

عضوة جديدة

ضرب المره يا ناس ما هو رجوله

ضرب المره يا ناس ما هو رجوله
وما ظنتي من يضرب البنت رجال

لا والله انه ما يعرف الفحوله
وبالمهزله يضرب به أمثال وأمثال

وبعض البشر يقهرك باللي يقوله
جاهل يدرس له ملايين جهال

أكبر طموحه يعمل أصغر بطوله
عنوانها دم المره ما بعد سّال

الضرب للزوجه هو افضل عموله
ويا كثر ما جابوا من أقوال وأقوال

كم جاهل ٍ فيهم تردت فعوله
وكم عالم ٍ ما يتقي شر الأعمال

يلعب ويضرب في بنات الحموله
أحلى االتفاهم عنده بسوط وعقال

لا عاش رجل ٍ كل هذا ميوله
ولا عاش من يتبع حكايات الأنذال

ناس ٍ لهم بالجهل صوله وجوله
اكبر طموحه عيشة البنت في أذلال

عايش وبالقوه يدبر حلوله
يسمع نصايح ناس مجموعة حثال

الشرع قال أدب وطبقت قوله
ما قال عذب واضرب بحقد وخبال

لكن بعض الناس حرف نزوله
والمسأله صارت بطولات وابطال

والعلم ما كل ٍ يطبق أصوله
عشنا وشفنا من مصيبات واهوال

ناس ٍ بنو للمجد مليون دوله
وناس تموت وما بنت نصف تمثال

ودرب العلا ما كل واحد يطوله
ما طاله إلا شخص واعي وخيال

ولا هنت يلي كم بيت ٍ تعوله
يلي لكم بالعز رايه ومنزال

ناس ٍ لفعل الشر ما هي عجوله
تعطف على الحرمه ولا تحقر أطفال

الله يعز اللي يعيش ابسهوله
والله يبدل للبشر بعض الأحوال

والله يرزقني ببنت ٍ خجوله
أطرب لها قيفان وأبدع لها أمثال

واغيض منهو مر حولي وحوله
واشفي غليلي من حقودين عذال

واقهر عديم المرجله والفحوله
واقول يا جعلك من الكون تنشال

وان قال ضرب البنت أكبر رجوله
قولوا له انه ورع ما هوب رجال

م /ن

774

يلزم عليك تسجيل الدخول أولًا لكتابة تعليق.

تسجيل دخول

F A R H H • 15 سنة

صح لسانك ياعســــــــــــــــــــــل

*بنت حواء*1 • 15 سنة

صح لسان قايلها وكاتبها وناقلها

°•.¸مزاجي صعب¸.•° • 15 سنة

*بنت حواء*1 + عاشقة بحر الصمت

مروووووووووووووووووركم اسعدني فديتكم

وبالنسبة للــ مشاهدين بلا ردود (( طلتكم بحد ذاتها مشاركه )

هالة • 15 سنة

لا عاش رجل ٍ كل هذا ميوله
ولا عاش من يتبع حكايات الأنذال

ناس ٍ لهم بالجهل صوله وجوله
اكبر طموحه عيشة البنت في أذلال
سلمت يداااااااااااااااااااااااااك ع النقل الراااااااااائع ...
أبياااااااااات جميله راااااااااااااااااقت لي ....؟
يعطييييييييييك العاااااااافيه يالغلااااااااااااااا.

°•.¸مزاجي صعب¸.•° • 15 سنة

فديت من بدا وشرررررررررررررررررررررررف