السلام عليكم ورحمة الله وبركاته ..♡!
الصراحه انا ماعندي موضوع محدد وحصل معاي موقف من يومها حياتي ومشاعري تعبانه وضايقه حيل قلت مالي الا انتو افضفض لكم يمكن ارتاح .
الصراحه حيل متضايقه تزوجت ٢٠١٨ كنت وايد مستانسه في حياتي وثقت في زوجي لان ينوثق فيه ومستانسه معاه خطوبتي طولت سنه بسبب الجامعه بعدها سافرنا شهر العسل من رجعنا خانني 💔 وانا من يومها حياتي صارت كريهه في عيني والله ماقمت استانس اهوه تغير وحلف مايعيدها وحلف غلطه ومتحسف عليها انا ماقدر انسى ولا اقدر اوثق فيه مشاعري تعبانه ولا اقدر احبه من جديد المشاعر احس ماترجع والله تعبت كل يوم افكر يحبني ولا يحب غيري افكر اذا كنت في قلبه ذي خامس شهر من الخيانه وللحين انا تعبانه ماعرف شلون اتخلص من هالشعور مخي دايم مشغول ماقدر انسى ماعرف شنو ينسيني احس صدمه وماقدر اطلع منها.
وانا الحين حامل الله رزقني بجنين حتى والله ماقدرت افرح كله افكر في خيانة زوجي ابي استانس ماقدر ، وصراحه ماعندي احد اشكي له ومابي اشتكي حق امي مابي افضفض حق اهلي ما احب ، والي يضايق اكثر انا دايم بروحي ماعندي احد يلهيني ماعندي صديقات ماعندي شي من جذي دايم افكر وترجع الفكره في بالي .
اتملل والله صادني اكتئاب من الوحده والتفكير شنو اسوي دايم لحالي 😔💔 اسفه طولت عليكم بس صج ماعرف اتخلص من كل هالاشياء اسوي روحي عادي بس ماقدر من اصير بروحي ابچي لاشعوريا اقول شنو ذي حتى صديقه وحده ماعندي💔💔💔
اسفه طولت عليكم بس اعرف ماغيركم راح يريح بالي وقلبي من بعد ربي ❤️
الورده227 @alordh227
عضوة جديدة
يلزم عليك تسجيل الدخول أولًا لكتابة تعليق.
أجل خانك بشهر العسل وش خلى عقبه هذه مو شهر عسل هذه شهر بصل يا يمهأجل خانك بشهر العسل وش خلى عقبه هذه مو شهر عسل هذه شهر بصل يا يمه
يوم رجعنا باسبوعين😔
موانا
•
اهلين عزيزتي...
الله يكون بعونك حاسة ولو جزء من الي تحسيه ... انت فعلا انسانة صبوره و قدرتي تمسكي مشاعرك ولا تشكي لحد غير المنتدى ... ادري صعب تحبي شخص و يطلع يحب غيرك و يخونك و من هذي الحركات ...
اولا الي عليك تصلي استخاره بنية صادقة و تصلي ركعتين و تشكي كل همومك و ايش تبي من كل هذا ... هل الانفصال او مشاعرك تتغير و الله ما راح يخيبك و صلي و انت تبكي و طلعي الي في قلبك يفيد ترى.
اذا قدرتي روحي عند اهلك ولو شهر تبعدي عنه يمكن ترتاحي و تقدري تعرفي مشاعرك كيف صارت و تقدري تتخذي القرار صحيح لانه راح تحسي هل انت تريديه لزوجك او لا ...
او يمكن تسامحيه و تعطيه فرصة ثانيه و اذا تكررت وقتها لا تعطيه وجه ولا تبيني له انك ميتة عليه لمي اغراضك و روحي لبيت اهلك و امسكي بقرارك ... و طفلك راح تربيه و يكون معك..
اهم شي لا تبيني له انك ما تقدري تتركيه لأي سبب لانه راح يستغلك ولو كان طفل بينكم تمسكي بالطفل و خذيه معك .
ولا تنسي انت حامل الحين و في بداية الحمل يكون كذا كئابة و افكار سلبية و حزن و حتى تكرهي زوجك و تكرهي الناس حوليك و تجيك افكار مجنونة ما ترتاحي لها و هذا الشي يكون في بداية الاشهر غالبا .
فكري زيييين حبيبتي و اختاري قرار ترتاحي له و يناسب الجميع عشان تنتهي هذي الازمة ..
والله كثر ما عندي هموم اكره اشوف احد مثلي مهموم ودي اساعد ولو بشي بسيط . :(
الله يكون بعونك حاسة ولو جزء من الي تحسيه ... انت فعلا انسانة صبوره و قدرتي تمسكي مشاعرك ولا تشكي لحد غير المنتدى ... ادري صعب تحبي شخص و يطلع يحب غيرك و يخونك و من هذي الحركات ...
اولا الي عليك تصلي استخاره بنية صادقة و تصلي ركعتين و تشكي كل همومك و ايش تبي من كل هذا ... هل الانفصال او مشاعرك تتغير و الله ما راح يخيبك و صلي و انت تبكي و طلعي الي في قلبك يفيد ترى.
اذا قدرتي روحي عند اهلك ولو شهر تبعدي عنه يمكن ترتاحي و تقدري تعرفي مشاعرك كيف صارت و تقدري تتخذي القرار صحيح لانه راح تحسي هل انت تريديه لزوجك او لا ...
او يمكن تسامحيه و تعطيه فرصة ثانيه و اذا تكررت وقتها لا تعطيه وجه ولا تبيني له انك ميتة عليه لمي اغراضك و روحي لبيت اهلك و امسكي بقرارك ... و طفلك راح تربيه و يكون معك..
اهم شي لا تبيني له انك ما تقدري تتركيه لأي سبب لانه راح يستغلك ولو كان طفل بينكم تمسكي بالطفل و خذيه معك .
ولا تنسي انت حامل الحين و في بداية الحمل يكون كذا كئابة و افكار سلبية و حزن و حتى تكرهي زوجك و تكرهي الناس حوليك و تجيك افكار مجنونة ما ترتاحي لها و هذا الشي يكون في بداية الاشهر غالبا .
فكري زيييين حبيبتي و اختاري قرار ترتاحي له و يناسب الجميع عشان تنتهي هذي الازمة ..
والله كثر ما عندي هموم اكره اشوف احد مثلي مهموم ودي اساعد ولو بشي بسيط . :(
الصفحة الأخيرة
هذه مو شهر عسل هذه شهر بصل يا يمه