ضميري يعـــــــذبني

السلامـ عليكمـ ورحمه الله
والله مو عارفه من وين ابدأ كلامي
بدخل بسالفتي على طوول


سالفتي لها اكثر من سنتين وماني قادره انساها
قبل سنتين تعرفت على واحد عن طريق الشات وحبيته بجنوووووون
وكنت متوهمه انه يبادلني نفس الشعور
تعلقت فيه بشكل ماتتخيلونه وماتخيلت اني بتركه بيوم من الايام
مرت على علاقتي فيه 3 شهور وبعدها اكتشفت ان له علاقات مع بنات بنفس الشات
ولما سألته قالي مجرد صداقات عاديه انتي غير عن كل البنات
ولما شفت اهتمامه بوحده من البنات حسيت بالغيره
فكرت اني اسوي خطه اكرههم في بعض
المهم وجاتني الفرصه كنت موجوده بالشات وهي دخلت (البنت الي مهتم فيها )
انتهزت الفرصه ودخلت باسم (حبيبي ) بس عشان تفهمون القصه

رحت لها خاص واستغربت من كلامها لي كانت تقولي احبك وما اقدر استغنى عنك ومن هالكلام
انا ساعتها جنيت وودي اتخلص منها باي شكل
واخذت منها رقمها بطريقتي لانها هي تكلمه وهذا الشي الي قهرني
انتظرت الين الليل ودخلت باسمها للشات و(حبيبي )كان موجود
جاني خاص ويتغزل على باله اني هي المهم جلست اسبه وطلعت كل الي بقلبي
بس بلسانها هي وقلت له هذ1 رقمي وحطيت له الرقم عشان يتأكد امسحه ومابيك
ابتعد عني
واليوم الثاني دخلت باسمه وحبيبته كانت موجوده ورحت لها خاص
وسبيتها وقلت لها ما ابيك ابتعدي عني
في النهايه تركو بعض وانا كنت بقمه السعاده
حبيت اني انتقم منه على الي يسويه فيني كان يطنشني ويقهرني
ولانه يدري اني احبه ومتعلقه فيه كان يتفنن بتعذيبي

المهم مررت الايام ورجعت علاقتي فيه اقوووى
ووفي يوم من الايام تعرف على وحده ثانيه بالشات
وكان مهتم فيها مرره
حاولت افرق بينهم لكن ماقدرت
نفسيتي تعبت كرهت كل شي حتى دراستي
وكان يمدحها لما يكلمني ويحب يذلني
كرررررررهته وحبيت انتقم منه
دخلت للشات وتعرفت على واحد
وقلت له اني متورطه مع واحد وصوري بجواله ويهددني فيها واعطيته اسمه بالكامل
طبعا كنت اكذب عليه كانت حابه اسوي له مشكله بالبيت
المهم الرجال كلام ابوه وقاله على الموضوع ويقولي ابوه كان ناوي يذبحه لو طلع الكلام صحيح

ابتعدت عن النت وكرهته
بعد فتره رجعت ولقيت البنت الي كان يحبها موجوده بالشات ولها علاقه حب مع واحد ثاني
كنت اكرههه حيل ودي اقهرها
فرقت بينها وبين حبيبها



والحمدلله الحين الله هداني وتركت الشاتات والعلاقات
عسى الله يثبتني
ضميري يأنبني على كل الي سويته ماكنت اتوقع اني شريره وحقوده
والله يابنات كأني كنت احلمـ مو متخيله كل الي صار
وانا الحين تبت لله
وندمانه على كل الي سويته وابغى منكمـ النصيحه
والله يجزاكم خير