السلام عليكم ورحمة الله وبركاته

ازيكم يا حبايب قلبي وحشتوني والله

ام اياد اهلا بيكي يا حبيبتي الدكتور عادل انا عملت عنده المنظار وهو بيعمله ب 4 الاف ج
وطبعا انا مش محتاجة اشكر فيه ده دكتور سمعته معروفة للكل

وانا كنت زيك معنديش اي سبب والتبويض برده ضعف لما زاد وزني وبرده مع المنشطات كان بيتحسن وكمان متجوزة من 5 سنين
بس هما مش كتير ولا حاجة العمر قدامك حبيبتي ربنا يرزقك قريب يارب




نيفو ازيك يا جميل متقلقيش علينا انا بس مكنتش قادرة اشارك من يومين

اشتقت ليك طبعا انا فقيقة وبفهمها وهي طايرة >>> هههه
اكيد رحتي لدكتور ريجيم وانا كمان نفسي اروح لأني خلاص اعلنت فشلي من الريجيم مش عارفة امشي عليه لوحدي خااالص

ان شاء الله حبيبتي يكون ده بداية مشوار الفرحة بالحمل ان شاء الله

بوبا والمشتاقة لمكة وشيمولاتا وكوكر وفطوم وام مريم واوشي ازيكم

رماااال وحشتيينا يا ام انس

أم أنس...و الله باحبك يا عبقرينو الملف...طبعا يا حبيبتى الموضوع مكنش عايز اي عبقرية....فعلا أنا قلت أستغل الشهور بتاعة الراحة الإجبارية ديه فى عمل كل الحاجات اللى كنت عمالة أتلكع فيها قبل كده....وكان طبعا من أول أولوياتى إنى أعمل الدايت ...علشان العلاج و كمان علشان فعلا أنا كنت من زمان عايزة أنزل الوزن اللى زدته فى الحمل بس كنت مكسلة...و اللى متعرفيهوش إنى سبحان الله قبل ما أنوي إنى أجيب الطفل التانى فكرت إنى أرجع لوزنى زي أول ما اتجوزت ...علشان لو زدت تانى يبقى أبقى زي ما أنا دلوقتى...لكن للأسف أخدت القرار الغلط و هو إنى أستنى و لما أخلف تانى أبقى أخس كله مرة واحدة....لكن يشاء ربنا إن الوزن ده يكون من الأسباب اللى بوظت الدنيا و أخرت الحمل....لكن هنعمل إيه محدش بيتعلم ببلاش..و أنت تريد و أنا أريد و الله يفعل ما يريد....

عموما سيبك من اللى فات...المهم إنى سعيدة إنى وفقت فى اختيار الطبيبة .... و اللى شجعنى أوي إنى فى الفترة الأخيرة شفت ناس كتير أعرفهم ...كانوا مستحيل حد يتخيل إنهم يخسوا...سواء لوزنهم الزايد أوي...أو لأن شكلهم كان كده من زمان...أو كمان لأنهم من محبى الأكل بشدة:f226:...بس جابت معاهم نتائج رائعة....و كمان عرفت حاجة جميلة أوي شجعتنى...و هى إنى كنت فاكرة إنى لما أخس ..عمر ما جسمى هيرجع زي الأول...لأن فيه أجزاء زادت وكنت متخيلة إنه من الصعب إنها تنزل بالريجيم...لكنها قالتلى إننا ممكن نعمل جلسات بموجات صوتية على بعض الأماكن فى الجسم لتنسيقها...و فعلا يا جماعة العلم نورون...و أفضل شئ إننا نوكل الأمر إلى أهله....لأن كلامها كان منطقى و منظم ..يعنى مثلا هنغير الريجيم كل أسبوع....و أخيرا...حددت معايا إننا لو التزمنا...هنجيب التارجت بتاعنا فى شهرين إن شاء الله....

بجد...حاولوا تشدوا حيلكم بقى و بلاش كسل....علشان أنا لو ربنا قدرنى و جبت التارجت ده فى المدة المحددة و أنتم لسه نايمين فى الخط ممكن معرفكوش تانى....:laugh2::icon31:

بوبا....ألف سلامة عليكى يا عسل....ربنا يكرمك يا حبيبتى و تنزلى مصر بالسلامة و ربنا يتم شفاكى على ألف خير...

شيمولاتا...يا رب تكونى اتبسطى فى دبى....خلاص بقى اتفسحنا و هيصنا ...نيجى للجد بقى....شدي حيلك معايا...أنا بدأت الدايت من أول أمس...هو نظام قاسى أوي بس الله المستعان....يلا قوليلى إنك هتبدأي معايا علشان لما تنزلى مصر ميبقاش عندك و لا نص كيلو زيادة....

أم أنس الصغير....وحشتينى يا عسل...ربنا يهديلك أنس و تشدي حيلك بسرعة و ترجعيلنا بألف سلامة...

نيفو....زعلان منك خالص....كده مش تسألى على شوشو حبيبتك....يلا أنا هاغمض عينى و استنى تيجى تصالحينى...

أم أنس2006...قلتى فى مشاركتك إنك قعدتى يومين مش قادرة تشاركى...لعل المانع خير...تعالى طمنينا عليكى يا قلبى...

مشتاقة لمكة...كنتى منورة من كام يوم و أول ما أرجع تختفى كده...فينك يا عسل...

طمطم و أم مريم و كوكر....فينكم؟

لا ولا اقدر على زعلك يا شوشو
و من غير ما تغمضي عينك انا اجيلك لحد عندك ابوس راسك و اطيب اطرك
انت عارفة غلاوتك عندي مش محتاجة كلام
حلوين البؤين دول مش كدة ؟

اوسة
مالك يا قلبي فيكي ايه ؟
و ايه اللي خلاكي مش تقدري تدخلي اليومين دول ؟
طمنيني عليكي و على احوالك