اشتقت اليك :

حبيبة قلبى نوفى....انا مقدرش أكسرلك كلمة يا عسل...من عنتينى الاتنين..هننزل الريجيم ده فى الموضوع الجديد....بس برضه مش هنحذفه من هنا لأنه فى صلب الموضوع ..و أعتقد إن الإخوات المشرفات مش هيزعلوا...لأنهم عارفين و مقدرين إن الموضوعين مرتبطين ببعض..و كمان أعتقد إنهم هيكونوا سعداء إن المنتدي مش بس و سيلة للرغى بينا...بل إنه ممكن يخلينا نساعد بعض علشان نتحمس و ناخد خطوة إيجابية..... أما بالنسبة لنقطة التانية...فمتخافيش عليا يا عسل....أنا شعري غالى عليا أوي و مش هاشده إلا للشديد القوي....لكن خافى على نفسك...أنا ممكن تلاقينى واقفالك على باب بقك أعدلك كام لقمة داخلة....و ساعتها هتشوفى الرزالة اللى بجد....:hahaha:

حبيبة قلبى نوفى....انا مقدرش أكسرلك كلمة يا عسل...من عنتينى الاتنين..هننزل الريجيم ده فى الموضوع...

boba boba :

ياصباح الخسسان ايوة كده ماشاء الله موضوع الرجيم ادى للناس حيوية ونشاط وخلى عدد الصفحات زادت اههه بدل ماكانت بتمشى زى السلحفة <<< والله البتاعة دى عقدتنى هى سلحفة ولا زلحفة خخخخخخخخخخخ طبعا انا كمان داخلة اهزر واضحك مبسوطة جدا من النشاط ده بس عاوزة حد يشدنى من ودنى او حتى يعضنى عضة محترمة طبعا امبارح انا قولت لشوشو تنزل موضوع الرجيم وروحت بيتنا محترمة نفسى وبدربها لبداية الرجيم وفضلت من غير غدا وبالليل جوزى جابلى بطيخة مصرى حلوة قوى اصل هنا مش سهل نلاقى البطيخ المصرى الا ى اماكن معينة وغطست فى البطيخة وانهاردة نسيت موضوع الرجيم خالص وجايبة فطارى معايا للشغل شيبسى وشيكولاتة وواحدة ديوووو كده على الماشى اصلى مقاطعة البيبسى بس خلاص دى اخر حاجة حلوة هاكلها وهبدأ من الغدا معاكم فى الرجيم وكمان هخاصم كل زمايلى هنا فى الشغل عشان ما اطلبش معاهم اكل دليفرى لان ده هو اللى مودينى فى داهية بس تعالوا بقى اقول لكم على سر بس اياكو حد يعرف السر اللى هقولهولكم ده انا طولى واياك تضحكوا بقى وتقولوا طويلة قوى 159 يعنى متر ونص و9سم خلاص استريحتو:06: ووزنى 75 ياماشاء الله ياماشاء الله وطبعا عاوزة انزل يجى 15 كيلو على الاقل على فكرة انا لغاية فرحى كنت 62 كيلو يعنى الزيادة دى كلها بعد الجواز:D بس قبل الجواز طبعا كنت بخاف على وزنى قوى وبروح جيم وبلعب رياضة وكمان كان عندى تركيز دهون بسيط فى مناطق معينة مكانتش بتختفى بالرياضة فكنت بروح عيادة واعمل كاسات الزيت وماشاء الله على قد ماهى شوية رخمة بس نتيجتها حلوة قوى ودلوقتى طبعا فى الغربة فكل ده مش بعمله ولا رياضة ولا حتى مشى ولا كاسات الزيت ولا حتى تنظيم الاكل بس فعلا انا اكتر حاجة بتنفع معايا لما ببدا اعمل رجيم هى الجريب فروت على الريق والعيش السن انا بقالى يجى اربع شهور ماجربتش اى رجيم انا جربت كده مرة او مرتين من بعد الجواز وبعدين بمل وابطل على فكرة انا عمرى 28 ومتجوزة بقالى سنة ونص

ياصباح الخسسان ايوة كده ماشاء الله موضوع الرجيم ادى للناس حيوية ونشاط وخلى عدد الصفحات زادت...

boba boba :

انا خايفة الناس تروح تشارك فى موضوع الرجيم التانى وتسيب التجمع هنا ا

انا خايفة الناس تروح تشارك فى موضوع الرجيم التانى وتسيب التجمع هنا ا

boba boba :

والله يانيفو بعد ماقريت الموضوع اللى انتى كنتى عاملاه عن الرجيم فده خلانى عاوزة اخدك بالحضن وبعدين على غفلة كده ووانا واخداكى بالحضن اصوت فى ودانك واقول توووووووووووووووت :hahaha: ليه ماقولتوليش عن الموضوع ده من زمااااااااان وعلى فكرة بقى يانيفو بعد ما اقولك تووووت واخضك هتخسى لوحدك يعنى المسألة مش محتاجة معجزة ولا حاجة عشان نخس على فكرة بقى والله العظيم اللى هقولهولكم ده حصل فعلا وقدام عينى عشان بس تعرفو ان مسالة الرجيم مش بس نظام غذائى نمشى عليه لا دى ارادة .... وارادة قوية كمان انا كان ليا واحدة صاحبتى وجارتى فى نفس الوقت من واحنا صغيرين فى المرحلة الابتدائية وهى تفوقنا فى الوزن جدا لدرجة ماكانتش بتعرف تلعب معانا وطبعا فضلت على كده لغاية ماكبرنا ودخلنا الكلية وكانت بتعانى من موضوع الوزن ده مع اصحابها فى الكلية لان فعلا زيادتها كانت ملفتة جدا مش تقوليلى 114 يانيفو دى ماشاء الله كانت معدية ال200 وطولها تقريبا 170 انتى متخيلة بقى قد ايه وزنها كان مشكلة ومكانتش ابدا بتحاول تنزله كان دايما عندها احباط وهى للاسف كانت بتحب الاكل جدا لدرجة ممكن لو جاعت تاكل فى اى مكان حتى لو الشارع وطبعا مكانش حد بيقدر يتكلم معاها فى الموضوع ده لانه بالنسبة لها حساس جدا ومرة كنت انا وهى سوا فى خطوبة واحدة صاحبتنا وهى كانت منطوية جدا مش بتتكلم مع حد الا قليل جدا وفجاة لقيتها بتعيط بشكل هستيرى وعاوزة تسيب الخطوبة وتروح فطبعا خرجت معاها وحاولت اهديها واعرف ايه حصل خلاها تبكى بالشكل ده واتفاجات بيها بتقولى ان فى شخص هى ماتعرفهوش كان حاضر الخطوبة جه استأذن منها عشان يكلمها واتفاجأت بيه بيطلب ايدها وقالها طبعا انتى مستغربة ازاى اصلا حد يفكر فيكى وانتى دبة كده بس انا نفسى حلوة عاوز اخد فيكى ثواب وفضل يضحك وطبعا كان عامل كده عشان يضحك زمايله طبعا ده انسان اقل مايقال عنه انه قليل الذوق ومعدوم الضمير وللا سف انا شفته وهو بيكلمها بس طبعا انا كنت بعيد عنها ومعرفش مين ده ولا بيكلمها فى ايه بس بعد ماحكت لى عن اللى قالهولها كان هاين عليا ارجع له تانى واربيه من اول وجديد لكن اللى كان عندى اهم فى اللحظة دى انى اهديها واخفف عنها وده ادانى فرصة انى اكلمها بصراحة ولاول مرة فى موضوع الرجيم وفتحت لى قلبها واتكلمنا لما زهقنا ولاول مرة اعترفت لى انها حاولت كتير مع نفسها تعمل رجيم وفشلت وانها مكسوفة تروح لدكتور عشان تخس بس الحمد لله فضلت معاها لغاية ما اقنعتها وماسيبناش بعض الا وكنا واخدين قرار اننا نبدأ رجيم سوا .. انا فى وقتها كان وزنى عادى جدا يعنى مش محتاجة رجيم اصلا بس قررت ابدأ معاها عشان اشجعها وفعلا رحت معاها للدكتور وبقى يركب لها ابر صينية اركب معاها يديها رجيم امشى عليه معاها تروح عيادة عشان جلسات الزيت او جيم اروح معاها لغاية مانزلت 3 كيلو وزى مابقولكم انا لغاية ما اتجوزت كان وزنى عادى جدا والزيادة دى حصلت لى بعد الجواز بس طبعا عشان وزنى كان فى الوقت ده كويس ولما عملت رجيم ونزلت 3 كيلو كلى اللى يشوفنى يقولى انتى عيانة ولا ايه ليه خاسة كده ..... ايام وراحت بس انا عاوزة اقولكم بقى انى فى شهرين نزلت 3 كيلو لانى كنت طبعا بهرج وعارفة انى مش محتاجة الرجيم بس هى بقى عزيمتها كانت قوية جدا وفولاذية ماشاء الله عليها لدرجة انها فى الشهرين دول نزلت 28 كيلو وكانت فرحانة جدا طبعا اللى يشوفها فى الاول كده مكانش يحس قوى بانها خست لانها كانت عندها ترهلات فى مناطق كتيرة جدا بس انا كنت فرحانه جوايا وبقول حتى لو مانزلتش تانى اكتر من كده فكويس انها حاولت وفرحت الفرح ده وبصراحة جت فترة انشغلت عنها شوية ومابقتش اتابع معاها موضوع الرجيم ولا حتى اسألها لغاية ما شوفتها وماقدرتش انطق بحرف من ذهولى لانى مش مصدقة هى اللى قدامى دى ولا مش هى ماشاء الله ... اللله اكبر ولا حول ولا قوة الا بالله واحدة تانية خالص تخيلوا وزنها بقى كام 75 كيلو يعنى نزلت اكترمن 125 كيلو فى خلال 8 شهور تقريبا وبقى كل اللى يشوفها يستغربها ومايصدقش انها هى لدرجة انها ولاول مرة فى حياتها تلبس بنطلون وشيميز وماشاء الله دلوقتى متجوزة هى اتاخرت تقريبا سنة فى الحمل بس ربنا اكرمها بالحمل بعد كده ومعاها احلى بيبى فى الدنيا من 6 شهور بس اخر مرة اتصلت بيها من شهر تقريبا قالتلى ان وزنها بقى 98 تقريبا وخايفة تزيد اكترمن كده وانها ناوية تبدأ رجيم بس خايفة عشان الرضاعة والبيبى. يعنى مفيش مستحيل بس اهم شئ الحافز انا بقول انها ممكن تكون زادت تانى عشان مابقاش عندها حافز قوى زى الاول واحنا كلنا ماشاء الله هنا عندنا اقوى حافز فى الدنيا

والله يانيفو بعد ماقريت الموضوع اللى انتى كنتى عاملاه عن الرجيم فده خلانى عاوزة اخدك بالحضن ...

boba boba :

طبعا انا قاعدة بكلم نفسى لوحدى كده ومفيش حد معبرنى :04: بس يلا مش مشكلة هتغلب على احساسى انى بكلم نفسى وعبيطة عشان بس ازهقكم من الرغى بتاعى عشان يوم الخميس هسافر العمرة وتتحرموا منى اسبوع كامل

طبعا انا قاعدة بكلم نفسى لوحدى كده ومفيش حد معبرنى :04: بس يلا مش مشكلة هتغلب على احساسى انى بكلم...