طالبتكم المشورة يا اهل الراي السديد مشكلتي مع الشغالة

طالبتكم المشورة يا اهل الراي السديد مشكلتي مع الشغالة
السلام عليكم ورحمة الله وبركاته
شهر مبارك عليكم جميعا وتقبل الله منا ومنكم صالح الاعمال امين :)
بدخل في موضوعي مباشرة
شغالتي لها ثلاث سنين عندين هي اول كانت تشتغل عند امي سنة وجت كملت عندي السنة الثانية وقالت تبي تسافر وترد وفعلا سافرت ورجعت اقلكم ليه اخذتها من امي اولا لان شغالة امي اللي قبلها ارسلت وقالت بترد وامي فرحت لنها كانت كيسة وفاهمة شغلها ــ ثانيا لانها ماكانت تفهم بسرعة وبيت امي كبير واخواني كثير ــ ثالثا وهنا موضوعي في ثالثا ان امي تقول انها فقدت اشياء لها فشكت ان يدها خفيفة يعني تسرقها المهم جت عندي الشغالة والحمد لله ارتحت منها في نقطة مهمة انها مع اطفالي الحمدلله كويسة تهتم فيهم وهم يحبونها وهذا اهم شي عندي لاني موظفة اغيب عن عيالي سبع ساعات يوميا هذا غير طلعات السوق وزيارات الاهل جلست معي سنة وسافرت ورجعت مرة ثانية وجلست سنة ماشفت منها شي عاملتها احسن معاملة الحمد لله اعطيها هدايا وكسوة وجوالي دايم تكلم اهلها هذا غير الذهب بين فترة والثانية اعطيها شي بسط خاتم حلق سوارة صغيرة سلسلة صغيرة وهكذا لان في مناسباتنا الكبيرة العادة نلبس ذهب كثير فما احب احسسها بنقص المهم السنة الماضية قالت لي الشغالة :" ماما انتي كثير كويس انا مابغى شغل في مكان ثاني انتي كويس انا بعدين سفر ممكن بنت خالة تيجي تشتغل هنا اثنين سنة بعدين انا ايجي مرة ثاني "قلت في خاطري الله يستر خفت صراحة المهم صارت لي بعض المواقف مع الشغالة
خلتني اتردد اني ارجعها مرة ثانية رغم انه مثل ماقلتلكم مريحتني مع اطفالي :
اولا : مرة كنت لابسة قطعة ذهب نسميها جماك تنحط على مفرق الشعر يعني مثل الهنود كان شكلها حلو ماشاء الله شفت من نظرتها انها عجبتها بعد فترة اختفت القطعة قلبت البيت في الاخير قلتلها ان هالقطعة اهم من كل ذهبي لانها مو لي لامي وانا صادقة بعد كم ساعة جابتها وقالت انا لقيتها تحت الفراش !! رغم اني قلبت الفراش كامل مالقيتها
ثانيا سافر زوجي :arb:واعطاني ميدالية فيها مفاتيح البيت والسيارة والخزنة اليوم الثاني مالقيت الميدالية انجنيت :icon33:دورت واتصلت على اهل زوجي وقلبت البيت وهي تدور معي في غرفة النوم ثم اختفت دقايق وجتني لابسة العباية وفي يدها الميدالية تقول انها لقت تحت شباك غرفة عيالي في الحوش يمكن الاولاد رموها !!
شككتني كيف فجاة جت في بالها فكرة الحوش وليه لبست العباية الحوش فيه سور مو العادة تلبس العباية
ثالثا قبل امس كان عندي علبة صغيره فيها اساور ذهبية للبناتي وفيها قطعة ثانية مميزة عندي البسها لما احط فل على شعري :27:(احنا عاداتنا في الجنوب مثل الهنود لاتستغربون) المهم بنتي خذت العلبة تلعب فيها وانا مشغولة في المطبخ قلت للشغالة رجعيها المهم بعدها كنت رايحة عند عمتي ام زوجي وتاخرت في اللبس والعادة هي تنام بدرييييييي حتى لو كنت طالعة ماتهتم هذا اليوم لا شفتها زي اللي مهتمة متى اطلع تلبس بنتي جزمتها وتجهز لي العباية قلت اللله يستر منها مدري على ايش ناوية رحت وفي نفسي شك منها المهم لما رجعت شفتها رتبت الغرفة تمام بس قطعة الذهب مالقيتها تاكدت انو هي اللي شالتها خاصة ان بنتي كانت معي ومافي غيرها سكت خاصة انه كانت ليلة رمضان وشلت الاساور حطيتها في الخزنة ترى ذهبي كله في الخزنة ماعدى بعض الاشياء الخفيفة للاستعمال اليومي لما اطلع عند احد انا وبناتي طبعا قلبت وجهي فيها:mad: ولا كلمتها وسرت مادخل المطبخ وهي فيه الحرمة شكلها حست اليوم اشوفها حاطة القطعة اللي ضاعت على طاولة المطبخ سالتها قالت مادري فين هذا بنت اوولد جيبي سالت بنتي وولدي قالو ماندري حققت معاهم لين تاكدت انهم صادقين مايدروا حسيت انها حست بزعلي فخافت من سكوتي ورجعتها
رابعا موقف دايم تكرره خلتني اتضايق منها جددددا لما اطلعها معي مناسباتنا العائلية تجلس مع الشغالات توريهم بالهدايا اللي اعطيها والذهب وتقلهم انا مرتاحة كثير ماما ما يقولي أي شي انا ايش ابغى سوي "يعني انها واخذه راحتها ماحد يامرها" ولما اجي اطلب منها شي او اسالها عن اولادي وهي مع الشغالات تقلب وجهها واحيانا لاعصبت منها تنفخ علي !!!!!!!!! يعني ز اللي توريهم انها قوية علي حركات يعني
المهم مشورتكم هي بتسافر وتقول تبي ترجع وانا خاااااااايفة لارجعها بعد هالمواقف اللي مصبرني بس تعاملها مع اطفالي اخاف اجيب وحدة ثانية ماتدري عن عيالي شي او تكون شريرة واخاف ارجعها ترجع قوية عيييييييين وماحد قدها لان على الرغم من مواقفها ردي الوحيد عليها اني اقلب وجهي فيها ولاعد اكلمها حتى تتعدل
سااااااااامحوني طولت عليكم :09:بس كنت زي اللي يفكر بصوت عالي حبيت تشاركوني تفكيري وشهر مبارك على الجميييع مرة ثانية