طالبه فزعتكم بعد الله

بنات الله يسعدكم ابي توجهوني وتنصحوني مشكلتي يمكن تشوفونها صغيره بس عندي والله انها أثرت على حياتي بشكل ماتتخيلونه عشان كذا طالبه فزعتكم بعد الله يبنات انا من يوم عمري ست سنين من يوم بديت افهم واحس اختي الكبيره طبعا هي الي ربتنا بعد وفاه امي رحمه الله طبعا نعم الاخت بس من يوم وعيت على هدنيا وهي تحطمنا هي اصلا تحطم نفسها قبلنا كانت كل يوم تجلس تسب فينا وفي نفسها احنا اشكالنا كذا احنا اطباعنا كذا احنا مانعرف نهرج احنا مانعرف نلبس مانعرف نسولف تختقر نفسها قبل كل شي معا انها حنونه وملتزمه وكل شي حلو فيها بس مرا مدري وش هطبع واحنا ياخواتها صغار وخاصه انا بس استمع لها وكبرت على اسطوانتها انا شي يع وناقصين كان لما نروح لأهل زوجها تنكسف منا لبسكم يفشل اسلوبكم يفشل ويبان انها متفشله منا رغم والله انا جميلات حتى نفسها تتفشل من نفسها وتحتقر ذاتها حتى لدرجه تعطي الناس الحق اذا اعتدو عليها المهم كبرت محطمه البس البس اقول لا مو لايق ابي اهرج معا الناس اقول مالي داعي يعني سنين وانا بس انصت لها لين انعدمت شخصيتي صرت ام الان وهي لازالت اذا اجتمعنا تحطم ذاتها وتحطمنا تكفين بنات وش اسوي نصحناها باسلوب ومانفع أثرت فينا ابي اثق بنفسي بس هي كل يوم معي وكل يوم كلامها السلبي اسمعه كيف اتخلص من هشي مابقدر استعيد ثقتي وهي كذا تكفون دلوني وش اسوي عشان اتخلص من هشي واستعيد حياتي ونفسي