طالبه مشورتكم :(

يابنات انا وحده تملكت قبل فتره بس والله العظيم احس بضيقة صدر وبس ابكي اذا كلمته احس اني عااااادي معه ماشيل هم ولا شي واذا سكرت وتهاوشنا بكيت احس اني كرهته وكرهت صوته يعني احياناً يفهم غلط وامشيها افهمه الصح واقول عادي ومره تهاوشنا علشان اسم امه يعني شي سخيف هواشنا واذا قلت شي قال انا اجس نبضك وامس يقولي يابنت عمى << احد يقول لزوجته هالكلاااااااااااااااااام واول مره كلمني قاااااااااااااال انا ماكنت ابي اكلمك بس اصدقائي يقولون لاتكلمها الا قبل الزواج بشهر يابنات انا وش ذنبي اذا هو انلذع من طليقته يعني الناس مو سواسيه كل سالفه يقول بذمتك لاتقولين لاااهلك والله العظيم ان امي تقول لاتعلميني عن سوالفكم يعني مره احس اني مبسوطه معه واحياناً احس اني اتعس انسانه بالوجود وغير كذا فيه نااااااااااس ذابحيني باللقافه وش سويتي وش شريتي وش بتحطين ومن بتعزمين وكلمتيه وشفتيه وشافك ومن هالأسئله واذا حقرتهم قالو ماتبي تعلمنا واذا علمتهم ماجاني خير منهم والله توني مالي الا شهر متملكه بس احس بعذاب مو طبيعي مدري هو عين او انا مارتحت للرجال اخاف اطلب الطلاق واصير علك بلسان الناس وليش تركها وليش وليش واخاف اكمل واعذب نفسي اكثر ومدري اروح لحرمه تقرأ واذا مارتحت له اطلب الطلاق والله احس بعذاب مو طبيعي يعني شي يضيق الصدر اقسم بالله
ياجعلكم ماتشوفون اللي شفته آمييييييييييييييين يارب