طبق مبتكر (تشيز الباي)

مرااحب ياحلواات ..

سلمكم الله .. القصه ومافيها .. اني فكرت اسوي شيز كيك واقدمه للضيوف لكن فكرت بصعبوة تقديمها .. والسبب

اولا : انا ابيها تكون كحلى تقديم مع القهوه فماودي اسوي الشيز كيك العادي الكبير

ثانيا: قلت البسكويت بيتفتت عي (خصوصا اني مابعد ضبطته مره) فاخاف يفشلني ..


فوش سويت :

160266


وهذي الخطوات ..

1\ سويت عجينة الباي (وهي ممتازه )

2 ك طحين ..
اصبعين الا ربع زبده
بيضه (فانيلا +شوي خل )
1م ص حليب بودرة ..

تعجن وندخلها الثلاجه لحد مانسوي خلطه التشيز ..


2\ التشيز :

بيضه
جبنه فلاديفيا الحجم العادي ..
علبه زبادي
8 فنجايل حليب بودره
4 فنجايل سكر بودره

في الخلاط لحد ماتتجانس ..

نجيب قوالب الكب كيك ..ونطلع عجينتنا .. ونشكلها حتى تاخذ شكل القالب ..

نجيب الخلطه ونحط مقدار 2 م كبيره تقريبا من خلطه التشيز

وندخلها الفرن .. الين تجمد .. ماتاخذ وقت تقريبا من 10 الى ر بع ساعه ..


واخيرا طلعيها .. وخليها تفتر شوي وبعدها حطيها في الثلاجه تبرد ..

3\ انا ماعندي خلطه الباي فيلينق (اللي عندها تحطها بيطلع شكلهاا روعه واحلى وحطي نوعين التوت والفرواله بيطلع واااو )

انا سويتها في البيت وهي كالتالي وطعمهاا حلوو ..

قطعت فرواله تقريبا كاس ..
حطيتها على النار مع ثلث كاس مويه ..
خليتها تغلي 10 دقايق..
صفيت المويه ..
ورجعت الفوراله في القدر واضفت لها كاس سكر مع م ونص تقريبا نشا .. حركتهم بسرعه
وبالتدريج اضفت المويه اللي صفيتهاا وممكن تزودين المويه
خليتها نغلي على النار من 7 الى 10 دقايق تقريبا وانا واقفه احرركهاا ..

خليها تبرد وحطيها فوق قطع الباي..

وهنا الخطوات :

160267


160268


160269


160271

وبالعاااااااااااااافيه

ملاحظه :
ممكن تسوينهاا بقوالب الصغيره بدل من الكب كيك اتوقع بتطلع اوذف