كيفكم بنات
بما ان الحين موسم الفراوله فحبيت استغلها في تزيين الكيك
ايش رايكم؟؟ فكرة التزيين خذتها من الاخت جوري الله يجزاها كل خير.
اتسوين اي كيكة اتعرفينها..ان شالله حتى كيكة العلب
وتحشينها بكريمة الدريم ويب(اخفقي 2 كيس دريم ويب مع 2 قشطة)
ثم ضعي الكريمه هذي على وجه الكيكة وحطيها في الفريزر نصف ساعة حتى تجمد الكريمة.
جيبي شوكولاته غامقة وسيحيها وغمسي فيها الفراوله. (لا تشيلين الاوراق الخضرة)..ثم ضعيها على ورق الومنيوم او ورق الزبدة ثم في الثلاجة الى ان تجمد (انا سويت يوم قبل)
ثم جهزي كريمة الشوكولاته السائلة هذي:
اربع ملاعق ماء---نصف كوب عسل طبيعي
175 غ شكولاتة خام
يتم وضع الماء مع العسل على النار الي درجة الغليان ترفع من النار وتضاف الشكولاتة ونحركها بالملعقة الخشبية . تترك قليلا لتبرد وبعدها نسكبها فوق الكيك على طول لانها ستجمد وعلى طول حطي عليها الفراولة .حطيها في الثلاجة لوقت التقديم
