دائما اشوف كتير استفسارات
عن طريقة الطبخ بالقدر الحجري
طبعا القدر .. صحي والاكل فيه له نكهه خاصه
لازم نعرف قبل كل شي انه في منه اصلي يكون بحدود 200 الى 300
ونوع مغشوش مخلوط باسمنت ب70 الى 150
كيف نفرق بينها .. ماقدرت اعرف والله
لكن الاضمن نجيبه من اماكن بيعه الاصليه
انا جبته من اليمن
هدا شكل القدر
عذرا صاحبة الصوره
ندهن القدر بزيت طبخ
من برا ومن جوا
ونصب مقدار نص كوب من الزيت داخل القدر
ونتركه على النار او جوا الفرن لحد مايصير لونه اسود
زي كدا
هنا القدر جهزته وطبخت فيه اكتر من مره
وراح اسوي دحين بورمه
لحمه + بصل مفروم ناعم + ملح + بهارات + طماطم مفرومه
بعد كدا نضيف مويا
ونتركه على نار خفيفه مدة ساعتين
اللين تستوي اللحمه وتثقل المرقه
وهدا شكل اللحمه بعد ماستوت
مره ذاايبه اتقطعت مع الغرف
سويت معها رز ببزاليا وفتوش
وهدا صحن المرقه
وهدي الصوره لمعرق لحم بنفس الطريقه لكن المويا تكون قليله
سويت بنفس القدر ايدام خضار اطعم بكتير من القدر العادي
لكن لازم نطبخ فيه على نار هاديه
لاانه حرارته عاليه ويحتفظ بالحراره حتى بعد مانقفل النار
راح انزل باقي طبخاتي بنفس القدر ان شاء الله
اذا استفدتو من موضعي
ادعولي بالهدايه وحسن الخاتمه
بس كنت افكر انه مايستخدم غير على الفحم يعني احطه عادي على الشعله وقلبي قوي
يعطيك الف عافيه