طريقة لقيمات بالتفصيل وان شاءالله تنجح مع الجميع .... مقرمشة من برا وطرية من جوا

كل عام وانتم بخير جميعا
اللقيمات مو اي واحد يضبطها
والاغلب تكون شاربة زيت او عجين من جوا
جبت لكم طريقة لقيمات ان شاء الله تنجح معكم
المقادير //
3 كاسات دقيق ابيض ( دقيق الحميضي - دقيق المخازن الكبرى - الدقيق الكويتي ) او اي نوع ممتاز
ملعقة طعام خميره
نصف كاس زيت
ثلاثة ارباع كاس مويه
تعجن في العجانه او باستخدام اليد لما تصير عجينه متماسكه ثم تترك لتخمر ساعتين او اكثر

نضع في صحن بيضتين
مع ملعقتين طعام ( ممسوحه ) نشاء ذره
3 ملاعق طعام حليب باودر
نصف كاس مويه
تخلط المقادير ثم توضع على العجينه بعد ماتخمرت ثم تضرب بالمضرب او باليد ضرب قوي حتى يتخللها الهواء -- وتكون سماكة العجينه اثقل من عجينة الكيك شوي
يعني ماتكون سايلة عشان ماتشرب زيت
تكور العجين باليد والملعقه ( او بالطريقة اللي تناسبك ) وتوضع على زيت حامي ثم تخفف النار وتقلب اللقيمات من اعلى الى اسفل عشان تكون مقرمشه -- نستمر في التقليب حتى تاخذ اللون المطلوب
ونضعها على ورق ماص للزيت مع مراعاة انها تكون جنب بعض -- مو فوق بعض عشان ماتلين او تشرب زيت
بعدين يصب عليها الشيره او العسل

بالهناء والعافيه واتمنى انكم تجربونها و تنجح معاكم