طريقتي الخاصة بتعطير غرفة النوم وحمامي

السلام عليكم ورحمة الله وبركاته حبيباتي انا راح اقولكم على طريقتي الخاصه بتعطير غرفة النوم وحمامها وأنتم بكرامه صراحة مررره تعجب زوجي بس مايعرف على باله عطر مميز او بخور
الطريقه .....حشا طبخهــــــــــــــ المهمم هو طبعا بعد ما تنظفي الغرفه وتمسحيها زين تقومي تجيبي علبة تصبي فيها مويا مخلوط بكمفورت وتضيفي معه عطر توله ريحة مفضله عندك وشفتي خمريات الشعر حطي منه شوي مرره قليل معها انا استخدم خمرية كوكو
طبعا تلاقيها رخيصة مو غالية خلاص بعدين قومي امسحي تسريحتك من اولها لآخرها والجدران وحواف السرير وشبابيك الغرفة والخزانه والأبجوره اخر شي امسحي الارضيه صراحه ريحه ونظافه وانتعاش
اما الحمام اغسليه عادي بالديتول وتعرفو الورد المجفف تلاقوه بثلاث ريال قومي وانثريه حمامك انا عندي ركنيه من الخصف مرتبه عليها الادوات وناثره عليها الورد بطريقه جماليه وجايبه صحن بلاستك مدور وماليته ورد مجفف وحاطته على المغسله وحاطه جواته صابون تنظيف الوجه وناثره ورد فوق كرسي الحمام من فوق انا عندي افرنجي طبعا الورد معطرته بعطر ريحته قويه من عطوري واعطر حمامي بعطر مررره حلو اسمه معطر أنهار صراحه ريحته مررره جونان .
أتمنى من كل وحده تجرب طريقتي تدعي لي بالتوفبق والوظيفه.