طريقتي في التخلص من النمل

السلام عليكم ورحمة الله وبركاته
حبيت اعطيكم طريقه تتخلصون فيها من النمل
هذا ياطويلات العمر فجأه ودون سابق انذار هجمت جماعات من النمل
على حمامي( وانتم بكرامه)ودخلت عن طريق فتحات صغيره على جانبي البانيو وفي زاوية الباب المهم وبعد اليأس من كثر غسل الحمام بالكلوروكس وانا القي نظره على صابونة لوكس كانت تغط في سبات عميق وانا آخذها وهي ياحبة عيني ذابحتها الرقه وافرمها بايدي <حشى مولينيكس
واقعد احط بف باف على المنافذ قصدي الفتحات اللي يجي منها النمل
وبعدين اجيب الصابون وهو طري واحطه فوق الب باف وصار للمعركه هذي تقريبآ خمس شهور ماشفت ولانمله توطوط حولي<قولو ماشاءالله لاتنضلوني بعدين
عاد قلت ابي انشر خبر انتصاري على عصابات النمل وابشركم
اني حطيت النمل في زنقه
للي مافهم الشرح آنف الذكر اولا تحطين بف باف في مكان خروج النمل
ثانيآ تبشرين قليل من الصابون وتطرينه لين يصير زي العجين وتسدين به مكان خروج النمل وبس