سلااام ياعسولات
كيفكم ان شاالله تكوونو بخير
اليووم حابه اوريكم طريقتي في تنظيف المايكروويف بصرااحه انا شفت دي الطريقه في برناامج اجنبي اتنين حريم عجاايز ينضفو في بيووت النااس
وبما اني اخااف استخدم المواد الكيمياائيه في تنظيف المايكروويف عجبتني دي الطريقه لانها من موااد طبيعيه
وكماان عجبتني النتييجه لما جربتها
يلاا نشوف كيف حتكوون الطريقه
نبدء بسم الله
طبعا دا مايكرويفنا ما اقولكم انو ممتاز بس مشي حاالو اهم شي انو يسخن خخخخخخ
اول حااجه نجيب ليمون وبيكربوناات الصوديوم ومويا نحطهم في زبديه وندخلهم المايكروويف
انا خليتها 3 دقااايق واذا كان مايكروويفك معدووم شويا زيدي الوقت
( الي تخااف انها تحط 3 دقايق وتشوف ان الوقت كتيييير حطي اول شي دقيقه واذا ماذابت الدهون عيديها مره تانيه برضو دقيقه وهكذا الين تذووب الدهووون لانو الفكره من تسخين المويا عشاان يطلع البخاار وتذووب الدهووون )
لما تطلعي الزبديه حتلاقي انو الدهون والبقع الي جوا المايكروويف ذاابت وصار سهل تنظيفها
نطلع الصحن الي يدوور ونغسله بفيري ومويا ونسيبو الين ينشف
استنو لحد يرد
وبعدها نجيب منشفه مبلوله ونبدء نمسح من جوا الين تنظف
بعد كدا نبدء ننظف من برا نجيب بخاخ الكلوركس وننظف
نستخدم نكااشة الاسناان في تنظيف الامااكن الضيقه
واخر شي نمسح الباب الزجاجي بداك الازرق طبعا انا مشتريه منو جالون كبير ومعبيتو في بخاخات صغيره زي دي
وموزعتها في كل مكان في البيت عشاان لا اكسل انظف
نسيب الباب مفتوح الين ينشف وبعدها نرجع كل شي مكااانو وتطلع بدي النتيجه