و تريحتس من التعقيم والتعطير كل شوي بعد الإستعمال
وتوفر ماي السيفون المهدر لأن العلبة تشغل حيز من السيفون عوضاً عن الماء
وتقعد لمدة شهر او شهرين حسب إستعمالكم للتواليت
(( هذي الطريقه اخذتها من النت قبل فتره ومجربتها شخصياً
))واليكم الطريقة مصوره
تحتاجين الى علبه بلاستيك ماتكون كبيرة ولا صغيرة متوسطه كل ماكانت أصغر يكون أفضل
واللي بالصورة علبة جل حق الشعر وممكن تلاقون زيها عند أبو ريالين وممكن علب المايونيز وماشابهها
بالبداية ناخذ العلبة البلاستيكية ونسوي فيها فتحات إما بالمفك أو غيره
وبامكانتس تاخذين أداة مثل السيخ وتسخنينه على النار وبعدها تسوين ثقوب بالعلبة
وهذي صورة للعلبة بعد ماتسوين فيها ثقوب
وكل ماتكون الثقوب كثيرة كل ما ينزل المحلول أكثر وتخلص بسرعه
نحتاج للجل الأخضر الخاص بالتنظيف من أي ماركة
وهذي صورة الأصلي اللي اعتقد ان الكثير منكم يا بنات تستخدمونه 2000ملم بـــــ 10 ريال ووقت العروض التجارية يوصل سبعة ريال
ناخذ العلبة ونعبيها من الجل الأخضر وتصير عندنا بهذالشكل
ناخذ العلبة وبعدين ( أجلكم الله ) نروح لدورة المياة ونضع العلبه بالسيفون
العلبة خليها واقفة بالجانب المقابل للعوامة
خليها واقفة مو نايمة
في كل مرة أحد يستخدم السيفون راح تطلع رغوة تخلي ريحة الحمام
fresh ورائع بإستمرار
هناك من الجل بروائح متعددة مثل الليمون والتفاح والفراولة
اتمنى اني افدكم بشي بسيط واتمنى تجربونها لانها بصراحه حلووووووه
ودمتم بخير
ومشكوره على افكره الرائعه