طريقه خلتني استغني عن كحل لانكوم الغالي التعيس ؟

بصراحه لانكوم زمان كان فعلا كحل اسود سواد الليل من عشرين سنه وانا استخدمو ماشفت منو شي غير انو مافي مثله ؟

اخذت العبوة الجديده ولقيت الشركه نقصتو للنصف صار 4مل بدل 8مل من باريس غاليري و135ريال ويوم استخدمتو فتره اكتشفت انه خرطي يذكرني بكحل ابوريالين يتقشع ويطير من العين مجرد ما حك عيني حكه بسيطه وفيه لمعه بايخه كنو شمع يذكرني بالكحل الرخيص الي يستخدمونه الممثلات المصريات افلام ابيض واسود تقل ودكم تقشعونه من العين قشع ؟؟؟؟؟


اخيرا طحت بكحل محمود سعيدةبالبدايه ماعجبني اسود زي المخمل سواده رهيب بس يوسخ الوجه بشكل رهيب غير انه يحرق العين اذا دخل فيها كنو فلفل

وكل يوم ابي ارميه واقول اصبري يابنت لين وصل الكحل نص العلبه

ونا سهرانه فكرت بطريقه قلت ليش ما احط فوقه مويه اخففه شوي يمكن يخف ولايسود العين واطلع بانده وتخف حرارتها اذا دخل العين
وفعلا نصف القاروره كان كحل والنص الباقي ماء ورسمت عيني

النتيجه
خيال وربي وكل وحده تجرب ماعاد يحرق العين وسواده يجنن ويروح من العين من غير مايوسخها يذكرني بلانكوم زمان كان يقعد عندي سنتين وازوده ماء ولايتغير

بالعكس احلى واحلى لكن الان صار لانكوم مو ذاك الزود كنهم كثرو فيه الشمع وصار ينقشع من العين بسرعه

جربو كحل محمود سعيد السايل بتخفيفه بالمويه وانا متاكده انه راح يعجبكم ويغنيكم عن لانكوم

والله على ما اقول شهيد