هلا وْ غلا بحبيباتي
طبعاَ كُل وحده تحاول تكسب زوجها بشتى الطرق...
مره حفله رومنسيه ومره هديه وبتغيير الغرفه وبطبخه غريبه
وتصريف الاطفال ونومه بفندق او شاليه ولبس غريب واشكال مكياج غير شكل
وووووووغيره كثير ولا يرضون,,,, وإذا رضي يوم أو يومين
بس جبت لكم الحل السهل والمضمون علشان يرضى وزود هو اللي يركض وراك
الزبده لا اطول عليكم ابنقل لكم قصة وحده سمعتها من الشيخ عبدالمحسن الاحمد الله يحفظه
يقول جت لمي وحده من محارمي تقول والله عجزت اكسب زوجي دائما زعلان ولايرضيه شئ
بالرغم إني حريصه على كسبه ودائما نظيفه وأولادي مرتبين والبيت نظيف وطبخ وغييييييييييره لكن
عجزت هل عندك حل لي قال لها الشيخ أبي ساعه من وقتك كل يوم قالت معليش لوتبي ساعات
بس تنحل مشكلتي قال قومي في الثلث الاخير من الليل وادعي بهذه الدعوه
<<<
اللهم إني أسألك رضاك >>>قالت هو مضمون قل أبد أنتِ جربي ومنتي خسرانه
وبعد شهر شوفي النتيجه
يقول راحت ونسيت السالفه لكثرة مشاغلي
وبعد شهر يقول جت وحبت راسي قلت وش السالفه؟؟؟
قالت: تذكر وصيتك لي يوم جيت اشتكي من زوجي قال أيه
قالت:والله صرت أسوي له 20% من اللي كنت أسويه له بالسابق وصار هو اللي يدور رضاي الآن
يعني أكسبي رضى ربك يرضى زوجك
أتوقع طريقه سهله و ما يبيلها جهد
الله يسخر لي زوجي ويجعلني ورده بعينه وخواتي وكل مسلمه
منقول