بسم الله الرحمن الرحيم
كيفم يابنات حواء ..:39:
اتمنى القى مساعدة من البنات في مشكلتي مع ابني
هو عمره تقريبا 3 سنوات وما صار شقي بهالشكل الا من سنة
يعني يوم كان عمره اصغر من سنتين كان هادي بسم الله عليه
حتى انه الاطفال الثانين كانوا يضربونه من ضعفه:( ..لكن اللحين هو اللي يضربهم <<انا بالبدايه قلت ايه خله ياخذ حقه بايده
بس المشكلة انه الموضوع تطور وصار يضرب اي طفل يوقف بوجهه ..وما يبي احد يلعب معه بالعابه ..
والله اني صرت اتفشل اخذه معي للناس من يوم ندخل الين نطلع وهو يصارخ ويضرب حتى انا يضربني:icon33:
وبالبداية كنت اسفهه واعاقبه اني اخليه يجلس بزاوية ولا يتحرك منها مدة عشر دقايق..لكن ماعاد يهمه العقاب
جربت اني احرمه من الشي اللي يحبه لكن يجلس يصارخ ويضرب ويكسر الاشياء اللي بالبيت ويقلب الدنيا وبالاخير يجي ابوه ويعطيه اللي يبي عشان يسكت..:09:..ودايما ادخل انا وزوجي بمتاهات نقاش حاد عشان هالطفل اللي مدلع نفسه على راسي..
يابنات لا تقولون اني مدلعته ..بالعكس والله ان الكل يشوفوني جادة معه اذا صار شقي واذا صار هادي اتحنن له واضمه واعبر له اني احبه ..بس المشكله هو تجيه نوبة عصبية فضييعة ما اقدر اسيطر عليه ..
حتى اذا طلعنا نتمشى يجننا بالمول يجلس يصارخ ويزاعق يبي ينزل من العربية واذا نزله ابوه يجلس يراكض بكل محل ويطيح الاغراض ويخرررررب .. والمشكله انه ما يخاف من الناس والله لو يضيع كان محد يدري ان هالولد ضايع اصلا ما يجلس يتلفت يدورني انا والا ابوه بالعكس يركض من غير ما يلتفت:mad:..
ولا اقدر احطه عند احد لأننا عايشين بامريكا والغربة ما لعيالك غيرك:angry:
والمشكلة انه بالحضانة ماشي بنظااااااااااااااام
يعني تقول له المدرسة رجع الالعاب مكانها يقوم يرجعها بدون نقاش اما انا لو اقول رجع العابك للصندوق يصارخ ويكبها بكل مكان
وبالحضانة يجلس ياكل على الطاولة بهدوء ..اما بالبيت يجنني ما يجلس معنا على الكل..واصلا ما ياكل الا بالترجي:09:
وبالحضانة اذا ضرب احد الاطفال يجلسونه بزاوية للعقاب ويجلس عادي واذا انتهت مدة العقاب تقول المدرسة رح اعتذر يروح ويعتذر ..اما انا لو اسوي له نفس الشي يعطيني الخامس عشر بعد خخخخ:(
..
وعنده مشكلة ثانية ..اللي هي انه بسرعة تخنقه العبرة ويجلس يصيح اذا قالت له وحدة من صديقاتي لا تخرب او لاتضرب
اخر مرة كنا مجتمعين في بيت وحدة من البنات راح للمطبخ ومدري وش قعد يزين المهم هي قالت له لا حبيبي بشكل عادي جدا ويجيني غرقان بالدموع ويصيح ويسحبني للمطبخ ويأشر عليها ويقول انها هاوشتني ..عاد انا عارفة انه دلوع وما عطيته اهتمام والبنت ضاق صدرها وجلست تحلف لي انها ما هاوشته بس قالت له لا ..والله اني فشلت من البنت وقلت لها ايه عادي هو دلوع لا يضيق صدرك..:09:
اتمنى اني اعرف كيف الحل مع هالطفل ..والمشكلة اني على وشك ولادة مدري وش بسوي مع البيبي:icon33:
الله يعييييييييييييييييييييييييين
mam Iam @mam_iam
عضوة فعالة
يلزم عليك تسجيل الدخول أولًا لكتابة تعليق.
mam Iam
•
هههههههههه
الله يعنا ياختي من جد غير الفشايل مع الناس انتي شاقية فيه ليل ونهار
الله يصلحهم ويهديهم .والله تصدقين اخاف اذا ما تداركت وليدي تتطور الحالة ويصير مثل ولدك
الله يهديهم ويصلحهم ..وان شاء الله البنات يفيدونا .تابعي معنا وان شاء الله نلقى الحل..:(
الله يعنا ياختي من جد غير الفشايل مع الناس انتي شاقية فيه ليل ونهار
الله يصلحهم ويهديهم .والله تصدقين اخاف اذا ما تداركت وليدي تتطور الحالة ويصير مثل ولدك
الله يهديهم ويصلحهم ..وان شاء الله البنات يفيدونا .تابعي معنا وان شاء الله نلقى الحل..:(
الله يعينكم الحال من بعضه ولدي عمره 3 سنوات وربي هبل بي بس يضربني انا وابوه :024:والمشكله اذا عصبنا عليه اي شي يشوفه قدامه يرميه حتى لو كاس بس الحمد لله مافي اصابات لاانا ولا ابوه ولا اخته الصغيره:angry:
احيانا يصير هادي واحيانا العكس ولما نروح السوق نفس المعاناه بس يركض وحنا نلاحقه لانتهنى ولاشي ولايطالع فينا اهم شي يركض وبس الله يهديه مع انه كان عاقل ويضرب فيه المثل لكن الشكوى لله كبر اشوي وتغير
مالنا الا ندعي لهم ربي يهديهم:(
احيانا يصير هادي واحيانا العكس ولما نروح السوق نفس المعاناه بس يركض وحنا نلاحقه لانتهنى ولاشي ولايطالع فينا اهم شي يركض وبس الله يهديه مع انه كان عاقل ويضرب فيه المثل لكن الشكوى لله كبر اشوي وتغير
مالنا الا ندعي لهم ربي يهديهم:(
mam Iam
•
بنات الله يخليكم اللي تدخل تقترح لنا حلول
واللي عندها روابط لمواضيع مشابهة تعطينا
او على الاقل لا تحرمونا من دعواتكم ورفع الموضوع
بليييييييييييييييييييز يابنات ودعواتنا لكم بظهر الغيب ان شاء الله
:(
واللي عندها روابط لمواضيع مشابهة تعطينا
او على الاقل لا تحرمونا من دعواتكم ورفع الموضوع
بليييييييييييييييييييز يابنات ودعواتنا لكم بظهر الغيب ان شاء الله
:(
الصفحة الأخيرة
الله يعينك ويعيني
والله كانك توصفين ولدي
الفرق الوحيد بينك وبيني ان الي عندي ما يهمه احد ولا يخاف من احد و أي واحد يهاوش يضربه سواء صغير ولا كبير
اذا لقيتي حل اسعفيني لاني تعبت الله يصلحه ويسخرنا لهم
والله صارت التربيه مرررره صعبه الكل يشتكي