طفلي وطيور الجنه والكلام.....

السلام عليكم ورحمة الله وبركاته









اخواتي ارجوو تفيدوني او ومن مثل حالة ولدي تطمنوني

انا ولدي عمره سنه و4 شهور
مايتكلم ابد بس بعض الاحيااان يسولف مثل التأوه(( اااااااااى)) ومرات نادره يقول ماما بابا دون ان يقصدني انا او ابوه يعني بس كذا ابببب اممممم
ولا يفهم اذا هاوشته اذا سوى شي غلط ولا كلمة احححح

واغلب وقته ع طيور الجنه تقريبا لو اخليه يوم كامل ماعنده مشكله واذا غيرنا القناه جاب الريموت لنا يعني رجعوو عليها ((ومستانسين انه سوى هالحركه))

واغلب وقته متضايق ويصيح خاصه عند الناس او الاماكن العامه ومايحب الاطفال ولا يلعب معاهم بس جالس عند التلفزيون او بحضني ..
والمشكله الاهم اللي انا خايفه منها انه اذا ناديناه مايرد خاصه اذا كان ع طيور الجنه ابدا مايعطي احد اي وجه تقولون محنط
لدرجة اهلي شكو في انه مايسمع :(
جربت ولله الحمد يسمع صوت الجوال اذا دق
بس اذا ناديناه باسمه ابدا مايرد ولا حتى يطالع مادري هو تطنيش او عنده مشكله في السمع الله لا يقدر

تكفون من مرت بمثل حالة طفلي او اي وحده عندها اي معلومه تكفى لا تبخل علي فيها
وخاصه في الاشياء اللي تخليه يتكلم ويختلط مع الناس