السلام عليكم
اولا عسى الله يبلغنا وأياكم والمسلمين شهر الخير واحنا باحسن حال
موضوعي ياأخواتي يحتاج لوحده تنصحني بجد لاني قررت بس بشوف اذا تؤيدوني او لا
قصتي انا مطلقه وعمري 28 وتملكت العام بعد رمضان من مطلق وعنده بنت الولد مو من معارفنا
مدري ليش اخاف موووت منه يعني لو يتصل ارتاااع تقولين ملك الموت جى هذي مشكله من اول شوفه له بعدين تملكت بعد الاستخاره وهو استخار وبالملكه اول ماكلمني جلس يسال عن طليقي وش مسوي وليش انفصلنا وقلت الله يستر عليه وماحكيت وللمعلوميه للان ماعرف اهو مطلق او زوجته فاسخه الزواج ولا اعرف عن اهله شي اكتشفت بعد اسبوع ان اهله ( رافضيني ) وانقهرت وعرفت انهم يبون يرجع طليقته الي تقرب له او يتزوج منهم
وسكت قلت طاح الفاس بالراس شسوي امه باركت بس عشان خاطره هذي صوره الوضع الي انا فيه
نجي للي انا اكتشفته
اولا ماضافني ببطاقه العايله ويماطل
ومتردد بالزواج مرا كبير وحفل مرا ذبيحتين وبالبيت حددنا 10 مواعيد للزواج وكلها انلغت اما يزعل ويقول خلاص مابيك
ولا يقول بطلقك مانفعك انا
وانا كنت اصبر واصبر نفسي ليما جا يوم واكتشفت ان نضرته لي مو زينه يعني اني ممكن اكون راعيه علاقات
دايم يقول انتي صغيره وحلوه وموضفه الكل يحبك والكل ممكن يتجراء عليك
وفعلا جا يوم وقالها بوجهي اكيد كانت لك علاقات وانا زعلت وقومت الدنيا وخليت اهلي يحطون له حد طبعا ابوي مريض وماعلمته خليت خواني يتصرفون معه واعتذر وقال اني بس كنت معصب وطلعت مني زله
من يومها خلاص انا عجزت اتطمن له وصرت اخااف اكثر منه وهو طبعه شكاااك مرا مرا فيني لدرجه مسحت كل برامج الايفون عشانه الا واتس اب ولو يشك فيني لنا الان تقريبا 5 شهور ماشفنا بعض ولا كلم اهلي اتفقنا ع طلاق وهو تراجع بعد انتضار 3 شهور
والان انا ماتحمل منه شي
اشوف فيه رجوله ونضيف اخلاقيا يعني علاقاته بالرجال فقط ( انجبرت اراقب من بعيد بالتويتر عشان قلت يمكن يشك لانه يسوي شي)
اخر شي قاله نتزوج بس مابعد حدد وقت ولا جهز بيت والحين انا الي رافضته وبعطيه مهره ويرووح
الحكي الان والي ابي منكم
انا القاني داايم ادور وراه وادخل فيس بوك تخيلو سويت حساب بس عشان اراقب تحركاته وتويتر نفس الوضع
تتوقعون ليش اتصرف كذا :(
وهل ترون هالرجل صالح اساسا للزواج واني سويت الصح ؟
اهلي داااايم يهزؤني ويزعلون لو ترددت في موضوعه بس احيان اقول الطلاق شين لاني مجربه
بعد الشك اصعب وخسرني نفسي كثير
ونسيت اقول لكم رافض الحمل نهائيا الا بعد سنتين واهو يعرف ان حبوب منع الحمل مضره لي
عدوني اختكم و عطوني رايكم
العنــــايــــد @alaanayd_1
عضوة فعالة
يلزم عليك تسجيل الدخول أولًا لكتابة تعليق.
استخيري والله يختارك لك الخير لان وضعك صعب والناس ماترحم اما الطلاق للمرة الثانية واما العيشة مع زوج شكاك واهله مو متقبلينك
حبيت ادخل وادعيلك بس اذا كان خير لكي ربنا يتممه واذا شر لك ربنا يصرفه عنك
حبيت ادخل وادعيلك بس اذا كان خير لكي ربنا يتممه واذا شر لك ربنا يصرفه عنك
احسه مو اتكانه انفذي بجلدك كل شي الا الشك والوسوسه
وقبل كل شي استخيري وربي يكتبلك اللي فيه الخير ويسعدك
وقبل كل شي استخيري وربي يكتبلك اللي فيه الخير ويسعدك
ترا صعب جدا تعيشين مع رجل شكاك
وش تبين به
الكتاب يبان من عنوانه
و قذفك بعد ؟؟؟
إذا جاءكم من ترضون دينه و خلقه زوجوه
القذف مب من الأخلاق
الله يعوضك خير
وش تبين به
الكتاب يبان من عنوانه
و قذفك بعد ؟؟؟
إذا جاءكم من ترضون دينه و خلقه زوجوه
القذف مب من الأخلاق
الله يعوضك خير
asd1292
•
استخيري والله يختارك لك الخير لان وضعك صعب والناس ماترحم اما الطلاق للمرة الثانية واما العيشة مع زوج شكاك واهله مو متقبلينك حبيت ادخل وادعيلك بس اذا كان خير لكي ربنا يتممه واذا شر لك ربنا يصرفه عنكاستخيري والله يختارك لك الخير لان وضعك صعب والناس ماترحم اما الطلاق للمرة الثانية واما العيشة مع...
ما اجمل الاستخاره
لانها تفتح الطريق ولكن النزول من اول السلم خير من السقوط في اخره والسلام
لانها تفتح الطريق ولكن النزول من اول السلم خير من السقوط في اخره والسلام
الصفحة الأخيرة
وخطورة الطلاق بعد الدخله عليك اشد من قبل الدخول