طلبتكم ساعدوني برايكم حكوميه والا اهليه ادخل ولدي ومعهد العاصمه رايكم فية؟

وش فيكم؟؟؟
ترى والله ماجورين
تكفون ساعدوني

شوفي اختي انا بقولك عن تجربتي
دخلت عيالي اهليه...انواع الاهمال ومافيه جدية ابد
هذا غير المدرسين الاجانب ومعاملتهم السيئة
على طول حطيتهم في حكوميه والحمدلله
تدريسهم ممتاز ومعاملتهم جيده
واهم نقطة انه لما يصدر اي سلوك سيئ من قبل بعض الطلبه
على طول يتعاقب وهذا غير موجود في المدارس الاهليه
حيث تحدث بعض التجاوزات من قبل الطلاب ولا يلتفت لها
(وانا اقصد بذلك التجاوزات الاخلاقية)
لانهم دافعين فلوس لا احد يقدر يكلمهم
وهذا مايجعل الطلاب بعضهم يخرب بعض
واخيرا اقولك ان المدارس الحكوميه انواع
يعني مستوى المدرسة على حسب البيئة المحيطة بالمدرسه
اذا هي زينه فهي زين واذا هي شينه فهي شينه
وتقدرين تسألين قبل عن المدرسة ومستواها
بالتوفيق

مشكورة بس ايش اسم مدرسة اولادك؟؟؟؟
وهل تعرفين حكومية كويسة؟؟؟؟
بشمال الرياض يعني بالمحمدية او قريب منها

اختي انا عيالي الثلاثه الله يحفظهم بمعهد العاصمه والله ولله الحمد تدريس خيال واهتمامات بالمواهب ورحلات كل فتره والثانيه غير سجل الواجبات اللي مهتمين فيه مره يعني لو يغلط ولدي غلطه صغيره لقيتها مكتوبه في السجل
وكمان عندهم انجليزي وحاسب والحين في اكاديمية الجزيره لتعليم الإنجليزي فاتحه فرع عندهم وتدفعين 500 ريال السنه والله ولدي اللي بثالث ماشاء الله عليه مع اني مدرسة انجليزي الا انه احيانا يجيب الفاظ ناسيتها او ماأعرفها ووصلوا معاه الى المستوى اللي ماقدرت عليه انا
انصحك نصيحه معهد العاصمه ترا ماعليه كلام
اقلها لو يطلع ولدك موهوب يودون اسمه للمسؤلين فوق وتفتخرين به لأن بعض المدراس بل اكثرها دفن للمواهب

انا اول مرة اسمع بمعهد العاصمة ... هذا ماله اخو بجدة

الصراحة انا ولدي بثاني ابتدائي وودي ادخله بمدرسة أهلية لأن مدرسه زهقنا يقول ولدكم مايحفظ..

وحاسه انه بيسقطه رغم انه شاطر بالرياضيات لكن مشكلته الحفظ ويحب اللعب زيادة ..

فاذا وحده تقدر تدلنا على مدرسة حكومية شبيهة بالاهلية يعني فيها دفع فلوس بس رمزي.. او معهد

اكادمية اي شي...

تكفون الله يوفقها وعيالها ويسعدها الي ترد علي..

وسامحيني ياامل قريب داخلة بموضوعك عرض