----طلبتكم لاتردوني ابغا طريقة الغريبة ----

السلام عليكم ورحمة الله وبركاته
إذا قصدك تبغيها تتفتفت زودي الزبدة أي بسكوت لما تسويه وتبغيه يتفتفت زودي الزبدة :26:

مشكورة حبيبتي ام عودة
قصدك انة اسوي الكمية كلها باالزبدة
لاني انا باالعادة احط سمنة فارم ما قد جربت الزبدة

العفو أختي :26:
أنا كان قصدي لو إنت تسويها بالزبدة إنك تزودي كمية الزبدة أما ما دام إنك تستخدمي السمن فما أعرف إذا زيادته تعطي نفس نتيجة زيادة الزبدة :26:

كلامك صح .........زغريبة اول اهش
لكن يمكن مع كثرة انواع الحلويلت ......... تكبرنا على الغريبه
جربت غريبة ام ناصر وكانت حلوه
هذا الرابط ان شاء الله تعجبك http://forum.hawaaworld.com/showthread.php?t=1010939

موفقه

جبت لك موضوعي في منتدى تاني يا غالية...
وبقول لك سر نعومة الغريبة زي ما امي تقول..
اذا زادت كمية السكر تخلي لك الغريبة مقرمشة...
بس هذه المقادير تكون ناااااااعمة وطرية..
كمان خلها مدورة مفطحة شوية..
عشان لا تكون مو مستوية من جوة

ودعواتك :)



الغريبة

المقادير:
1 كوب سمن
1/2 كوب سكر
3 كوب دقيق (تقريبا)
فانيليا

كيلي السمن والسكر سوا



خليهم في الفريزر حتى يبرد السمن ويجمد



اخفقي السمن والسكر بقوة حتى يصبح ابيض وهش واضيفي الفانيليا



شوفي زي كده...



انقلي المقدار لاي طبق عشان تضيفي عليه الدقيق
شوفي كيف تقيل ومتماسك خاااااااااالص



اضيفي الدقيق تدريجيا حتى تصبح العجينة لا تلتصق وطرية في نفس الوقت
اختبري العجينة اذا ممكن تكوريها او لا .. وممكن تزيدي الدقيق كمان



شكليها كرات صغيرة بس خلي الكرة مسطحة شوية عشان ما تكون في الاستواء نية من جوة
واغرسي في كل حبة اما عود قرنفل او نص حبة فول سوداني



اخبزيها على فرن حرارته بسيطة جدا
وراعي انها لازم تستوي بس من غير ما تحمر
اذا احمرت طعمها حيتغير



خليها تبرد خاااااااااالص في الصينية حتى تنقليها في الطبق
عشان ما تتفتت عليكي
واعملي حسابك انها حساسة للحركة الكتيرة