كيفكم يا بنات ...الله يرزقكن السعاده والتوفيق بالدنيا والآخره ....... قصه واقعيه لصديقه طلبتني رقم شيخ يرقي وصدمتها بجوابي ثم رجعت علمتني النتيجه
سألتني صديقتي عن رقم شيخ معروف للرقيه
تحس ان بها عين او حسد تقول تغيرت عليها امور كثيره من ناحية حياتها مع زوجها وبيتها ما صارت تهتم في نفسها اكثر من نواحي كثيره .......المهم
قلت لها تبين شخص رقيته انفع وافضل ومجربه هالشيء .........متحمسه وقالت ايه تكفين
قلت أنتي الراقيه ........أنصدمت واختفت حماستها واعطتني وضعية اللي تستمع للنصح وتقول بالنهايه الله يجزاك خير .
لو قلت لها ايه اعرف لك الشيخ الفلاني مجربته فلانه وفلانه ومعطيهن زيت وماء مقري وتغريت حياتهن للأفضل بس يبي 500 ريال على الجلسه ..........اكيد راح تتحمس أكثر والله المستعان .
لمن اختفت حماستها تضايقت وشديت عليها بكلامي .
قلت لها ليش مو عاجبك كلامي
قالت يا شيخه انا مقصره ومذنبه وراعية اغاني وافلام ........ لو يرقيني شيخ ملتزم ويطيع ربه افضل
قلت لها ومن قال لك ان هذه شروط الرقيه ........هذا اسمه سوء ظن بالله لأننا بشر ونخطئ ونقع في معاصي ......الله أمرنا بالدعاء لانه عباده فكيف نتوقف عن هذه العباده العظيمه لاننا نقع بالذنوب ؟!
والرقيه عباده تخفف من الذنوب والمعاصي ......الا أن الرسول اخبرنا انها انفع وافضل اذا كانت من الشخص نفسه لانه هو من يقوم بهذه العباده بنفسه ........ويجوز ان الشخص يستعين براقي اذا كان مبتلى ما يقدر يقرأ القرآن .
وعدتني تبدأ ترقي نفسها
وعرفت انها صادقه بوعدها لمن رجعت البيت وراسلتني على الواتس تبي تعرف وش تقرأ وارسلت لها موقع وحمستها تبدأ
وبصراحه انا نسيت اللي صار بيننا لاننا ندردش شبه يومي مع بعض وما ذكرت لي السالفه الا امس قالت الله يبارك فيك
كل يوم كنت اقرأ الرقيه واصلي بعدها ركعة وتر وادعي
قالت حسيت ان من داخلي مرتاااحه وحسيت تركيزي صار افضل كانت في امور كثيره حولي ما انتبه لها وثقتي بنفسي صارت افضل وصرت احب اتعلم مهارات واقرأ
قلت متى حسيتي بالتغيرر
قالت بعد فتره من القريه اليوميه ورجعت هي تنصحني وتقول لا تنتظرين نتيجه مستعجله حتى ترين الله من نفسك خير ان تأدين هذه العباده لله مو فقط للعلاج وانتهينا
حبيت انقل لكم القصه للفائده واسأل الله ان يكرمني واياكم بالانتفاع بالقرآن والدعاء الصلاه
DOLI730 @doli730
عضوة
يلزم عليك تسجيل الدخول أولًا لكتابة تعليق.
DOLI730
•
الله يجزاك خير كتبتي الكلام السليم المفيد فعلاً ناس كثير ظنهم وايمانهم بالله ضعيف وفيهم تهاون واتكاليه رهيبه لغاية ماوصلو لمرحلة بعدو عن الطاعه وهجرو القران مع ان الضيق والمصيبه والبلاء له حكمه وغايه بإن يتقرب العبد من ربه ويتضرع لربه ويكثر من الطاعات سبحان الله الروح تتعب وتمرض وشفائها العوده الى الله بالحرص على الصلوات والصدقه والدعاء والاذكار والاستغفار والتسبيح مايحتاج واسطه بينا وبين الله وماحد راح يحس بألامنا واوجاعنا اكثر من انفسنا عشان كذا لازم احنا ندعي لانفسنا ونرقي انفسنا جميل كلامك ومعناه عميق الله يكتب اجرك وينفع بما خطته اناملك 🌸 ❤الله يجزاك خير كتبتي الكلام السليم المفيد فعلاً ناس كثير ظنهم وايمانهم بالله ضعيف وفيهم تهاون...
الله يجزاك خير
فعلا المرض والابتلاء واختلاف حال العبد كل ذلك للرجوع الى الله عز وجل
الله يسعدك ويوفقك اختي
فعلا المرض والابتلاء واختلاف حال العبد كل ذلك للرجوع الى الله عز وجل
الله يسعدك ويوفقك اختي
DOLI730
•
جزاك الله خيرا كلامك صحيح الأحسن واحد يرقى نفسهجزاك الله خيرا كلامك صحيح الأحسن واحد يرقى نفسه
والله يجزاك خير ويسعدك ويوفقك بالدارين
الصفحة الأخيرة
فعلاً ناس كثير ظنهم وايمانهم بالله ضعيف وفيهم تهاون واتكاليه رهيبه لغاية ماوصلو لمرحلة بعدو عن الطاعه وهجرو القران
مع ان الضيق والمصيبه والبلاء له حكمه وغايه بإن يتقرب العبد من ربه ويتضرع لربه ويكثر من الطاعات
سبحان الله الروح تتعب وتمرض وشفائها العوده الى الله بالحرص على الصلوات والصدقه والدعاء والاذكار والاستغفار والتسبيح
مايحتاج واسطه بينا وبين الله
وماحد راح يحس بألامنا واوجاعنا اكثر من انفسنا عشان كذا لازم احنا ندعي لانفسنا ونرقي انفسنا
جميل كلامك ومعناه عميق الله يكتب اجرك وينفع بما خطته اناملك 🌸 ❤