atoora @atoora

محررة

طلبت من تاجره واحتاج رايكم باللي صار

السلام عليكم ورحمة الله وبركاته

شلونكم بنات حواء

انا دايم اطلب من النت,, وبالعاده يجي مندوب يعطيني البضاعه وادفع وقت التسليم,, وان كان برا السعوديه نفس الشي يوصلون لباب البيت والدفع وقت التسليم.. كل شي صاير سهل الحمدلله..

بس من اسبوعين تقريبا طلبت من وحده بالانستجرام ساعه تقليد.. من زمان عاجبتني ولقيتها بسعر حلو, قالت ادفعي قبل واطلبها لك, قلت اوكي, وجاني مندوبها وخلتني انا اتصل عليه, عكس اللي متعوده ان المندوب يتصل علي,, وآخذ مني 40 << بالعاده يآخذون 20 الى 35 بالكثير..

قالتلي بعد 10 ايام يوصل الطلب, قلت اوكي
عدا 10 ايام ولا جاني طلبي ولا ارسلت شي , سألتها بالواتس اب وتطول ترد,, اسالها الصبح ترد الليل.. قالت توه ماوصل الطلب..
بعد فتره ارسلت تقول انتي متأكده تبينها نفس الحجم ترا الحجم الاكبر احلى ومعرف ايش, قلت اي متأكده نفس طلبي ابيها..
وكل يوم اسألها اذا وصل الطلب وكالعاده ماترد الا بعد 7 ساعات واكثر وبالاخر قالت:: وصلت الطلبات وطلبك مو معهم..<< المشكله اشوفها بالانستجرام تحط صور ودعايه لبضاعتها<< طيب خلصي الناس اللي عندك وفلوسهم برقبتك بعدين سوي دعايه !! :ohwe:

قلت طيب وش الحين؟؟

قالت:: فيه ثانيه لونها غير ماتبينها.. قلت طيب كيف الحجم <<وتسحب كالعاده 7 ساعات وهنا ارتفع ضغطي ماعاد ابي لاساعه ولاشي
قلت:: خلاص بس مابي شي
قالت:: عطيني حسابك برجع المبلغ << هي من اول قايله انها ترجع الفلوس لو ماجا الطلب خلال 10 ايام<< طبعا انا اخذت اكثر من 10 ايام يمكن 13

المهم عطيتها حسابي مع الايبان
قالت:: لا ابي حساب الراجحي << ماعرفت تحول لغير الراجحي
قلت ماعندي بالراجحي
ويومين انا واياها على هالتحويل

بالآخر قالت: تعالي بيتي خوذي فلوسك !!!
قلتلها من جدك!! انتي تتحملين ترجيعها.. وانا ماعندي مواصلات ولا سواق بصراحه.

قلت خلاص طيب خلي مندوبك زي ماجا ياخذ الفلوس يجي يرجعها
قالت لا حرام يآخذذ عليك فلوس المشوار !!!!!!!

قلت لها: ليش حبيبتي ادفع له انا؟؟ انا دفعت يوم اطلب.. الحين انتي اللي متأخره علي وماجبتي طلبيتي يعني انتي تدفعين له..

قالت لا انا مالي دخل !!!

رفعت ضغطي صراحه

قلت لها: خلاص خليه يجي ادفعله انا الله لايحيجنا لبخيل, مو معقوله تاجره ومو عارفه تحولين ولا تقدرين تدفعين 40 نتيجة عدم توفير البضاعه..

قالت:: مو غلطتي الموقع ماجابوا الطلب!!

قلت:: غلطتك لانك اخذتي المبلغ كامل .. يعني ماتاخذين مبلغ كامل الا وانتي عارفه ومتأكده من توفر البضاعه.. والا تتحملين ترجيع الفلوس باي طريقه

وبالاخر سوت انا المسكينه وتقول الله لايحيجك مثل ماحاجنا هذا مو بخل احنا محتاجين ومشكوره على كلامك

انا لهالحظه ماجاني ولا ريال وربي
وغير كذا لا طلبي جا وفوقها دفعت فلوس توصيل 40 ريال يوم ياخذون المبلغ..
وبدفع 40 بعد اذا جا يرجع الفلوس,, ومادري متى بيتكرمون ويرجعونها اصلا..

بصراحه تعاملت مع كثيررر تاجرات ابدد مامر علي احد كذا بهالاسلوب اللي يرفع الضغط متعوده تاعمل راقي وناس تحاول تكسب الزبونه,, لكن ذي لا اسلوب ولا ترد عليك تسحب نص يوم وفوقها خسرتني على ولا شي

وش رايكم باللي صار ؟؟؟هل انا غلطانه بشي؟؟

يلزم عليك تسجيل الدخول أولًا لكتابة تعليق.

تسجيل دخول

انثى العقرب • 11 سنة

لا ما انتي غلطانه
البيع اتفاق وعقد وعي أخلت بالعقد ماعليك منها

مين هي تكفين اخاف أتعامل معها ان كأنها هنا !!!

atoora • 11 سنة

انثى العقرب :

لا ما انتي غلطانه البيع اتفاق وعقد وعي أخلت بالعقد ماعليك منها مين هي تكفين اخاف أتعامل معها ان كأنها هنا !!!

لا ما انتي غلطانه البيع اتفاق وعقد وعي أخلت بالعقد ماعليك منها مين هي تكفين اخاف أتعامل معها ان...

انا حصلت حسابها بالانستجرام
مادري لو مسجله هنا

جا فبالي اصور محادثاتنا بالواتس اب وانزلها بالانستجرام احذر منها
بس خفت اقطع رزق

قلت الله يتكفل فيها

انثى العقرب • 11 سنة

هذي شكلها توها جديده وماتفهم بالبيع
صادقه ماودك تقطعين رزقها خصوصا انها ماقالت مايرجع المبلغ يعني تقدرين تقولين درس لك عشان ماتستعجلين بالدفع الا لموقع تجاري موثوق مثل امازون. لان قانون الموقع يحميك لكن التاجرات المجهولات مافي ضمان ابد لهن الا بطريقه التسليم الفوري

ام صنصون • 11 سنة

ارسلي لها .. حسبي الله عليكي .. والله لا يسامحك بالفلوس لي
سرقتيها .. وراح اشهر فيكي .. ﻻنك شكلك نصابه ماتخافين الله ..
وشوفي ايش راح ترد عليكي .. اذا ما رجعت فلوسك ..
افضحيها لانو شكلك مو اول وحده ..

جويل 123 • 11 سنة