طلب ولا تبخلون علي بردكم

السلام عليكم ورحمة الله وبركاته

ادخل في الموضوع بدون مقدمات

من وقت مابلغت ال 12 وانا اتمنى هاليوم يجي وافرح و يفرحوا اهلي معاي ولما دخلت الثانوية اجتهدت عشان اذا تزوجت ارفع راسي عند اهلي و عند اهل زوجي وكنت اسمع كلمات اعجاب وناس يعبرون عن اعجابهم فيني ويسألون عني ويدخلون بيتنا وداخل البيت يتعدون غرفة النساء للصالة وللمطبخ ولغرف النوم لحتى يشوفوني لاني من النوع الخجول ما اظهر لكن ما شفت احد تقدم لي
وكان البعض ينصحوني من بينهم صديقة لي بأني اروح لاحد يقرأ الكف لكن عدم ايماني بهالشي منعني ومنعني ايماني اني ألجأ لأحد الا رب العالمين وقلت متى ماجا النصيب انا انتظره ومو مستعجلة لحد ماتخرجت من الجامعة
انتظرت يابنات وبديت احس بالخجل من اخواني وعبارات تصدر منهم تحسسني باني خلاص كبرت مع انه مو ناقصني شي........ دراسة ودرست اهتمام بنفسي واهتم والجمال الباهر ماهو كل شي في البنت واكيد اكثركم يتفق معاي بهالشي اهمها تكون البنت ناعمة وفيها جمال
لكن مضى العمر واكره كلمة عمري 30 وخايفة منها ........ ماتمنيت اشكي لاحد لكن الزمن والهم يجبرني
تقدملي اثنين واحد مايصلي ولو اقولكم لما رفضته كيف نظرة اهلي
درست جامعة وتعبت نفسي واقبل في النهاية بشخص مايصلي ولايشتغل ولا يحترم لاكبير ولا صغير واخلاقه سيئة وعنده شهادة رابع ابتدائي ويكون سبب قبولي اني ممكن اغيره....ماقدرت اغيره؟؟؟؟!!!! اجني على نفسي ......ماتقبلته ؟؟؟؟؟!!! ارجع لعندهم اصيح وانوح وابكي ....كان رفضي باصرار رغم رغبت البعض من اهلي باجباري على الموافقة
تقدم لي ثاني وكان بنفس موصفات الاول اللهم اكبر مني ب11 سنة لكنه متدين ومن اول ماتقدموا وقبل لا نتكلم موافقين او لا....... حطوا شروطهم ........الله يصلح احوالي بإذنه.......ورفضت لسبب عدم القبول ولأني في البداية تنازلت عن اشياء كثيرة وكنت بوافق لعلي اشوف فيه مزايا حسنة وفي النهاية مالقيت الا انه يملك شقة وماعنده راتب ثابت وفوق هذا يصرف على اهله عائلة مكونة من 7 افراد ... وكانوا اهله كتومين ......ماعرفت هالاشياء الا بصعوبة ولما رفضت كأني ارتكبت جريمة عند اهلي وحتى اهله صراخ ومعترضين على رفضي
النتيجة بعد ماتقدم لي هالاثنين ...........من الداخل نفسياً تعبانة
بديت افقد ثقتي بنفسي
اتحطم من الداخل كل ماسمعت فلانة صغيرة عمرها 19 خطبوها ولمنو ؟؟؟؟؟لرجال ماخذ ماجستير او دكتوراه وعمره 35
وألم بصدري كلما شفت زوجة ماسكة ايد زوجها تتمشى معاه عند البحر او باي متنزه
وبينهم اطفال......... ماهو حسد .....اهو ضيق ودي اكون مثلها وجاية مع زوجي واطفالي
حلمي يكون عندي زوج واولاد وبنات وبيت اهتم فيه وما اقصر عليهم بشي
كرهت حتى نفسي......من تلميحات بعض من قريباتي بكلمة اكرهها مالي ذنب فيها ..........
واقسى شي انه يجوا ناس ضيوف عندكم وتقول وحدة منهم لك : البنات اذا كبروووا يتغيروا وهي تلمح الى انك كبرتي كثير
زميلاتي بالدراسة اذا شافوني سألوني : غريبة ما انخطبتي وحتى اقاربي يسألون اهلي معقولة محد خطب بنتكم ......ما نصدق!!
طلعات ؟؟ ما اخلي.......صرت اجتماعية واحاول انا افتح حوار مع الناس ومن قبل وانا كذا لكن خجلي كان يمنعني
ما ادري كيف اتصرف
لمتى اظل ساكتة على نفسي
وخايفة على نفسي من انعدام الثقة من هالتحطيم كل يوم والثاني
خايفة على نفسي من اني انحرف او اغلط

حبيت
افضفض وارتاح يمكن فيه من يذني على حل


ياليت يابنات ماتنسوني من دعواتكم
لأني محتاجة محتاجة محتاجة دعواتكم بشكل ماتتصورنه
ادعولي وادعوا لكل بنت ان الله ييسر امرنا ويصلح سوء حالنا ولايبخل علينا ولا علي بالزوج الصالح الحسن اللي منعم عليه بالدين والاخلاق والعمل والرزق الحلال
انا بهم وبضيق
لعل دعوة من وحدة منكم ايمانها اقوى من ايماني وبمرت ملك ويقول وجب ويستجيب رب العالمين دعوتها ويقضي حاجتي ويرزقني باللي اتمناه