طلعت خيانه ! يخوني اكتشفته يخوووني

:44:

بنات ساعدوني احس اني عايشه جسد بلا روح مع زوجي
فنان بالكذب فنان كيف يخليني ماشك فيه

دايم يقولي مستحيل اخونك مستحيل اشوف غيرك مستحيل الخ
كنت اصدقه وبهالكلام يزيد حبي له وابد ماتوقعت انه كذب
ضايقه فيني الدنيا ومدري وش اسوي للحين ماصارحته ولاابي اصارحه ابي انتقم بس :44:
انا صارلي متزوجه سنه تقريبا المهم جوالي وجواله عادي نشوفها مانخبيها عن بعض حتى اللايميل
اكتشفت انو عنده ايميل ثاني بدون علمي ولاقد قالي عنه

المهم سويت ايميل جديد انا بعد واضفته عليه على اني بنت ومعجبه وتحبه
انا اعرف انه يلعب عليها بس هذي خيانه هو وعدني وحلفلي انه مايكلم غيري !!

المهم كلمته على اني الانسانه الثانيه وقلتله وسالته اذا يحب او لا ؟ قالي لا
ادور عن حب وارتباط :44:

وانا وشو زوجته الي تحبه والي يكذب عليها 24 ساعه انه يحبها ومبسوط معاها وشو ؟
ضغطت على نفسي وكمممملت صار يطلب مني صور انكسرت كثير شوي وانهار
قلت اخر شي بطلب منه رقمه بشوف يعطيني والا لا
وشوي الا وهو حاط رقمه لي ويقولها متى تكلميني

ااااخ ذبحني طبعا ماتصلت راح بعدها
وانا جالسه بهمي ماعرف وش اسوي انصدمممممممت فيه
وين كلامه وحلفه !!
صعبه يابنات ورب البيت صعبه اذا الانسان طاح من عينك
هالكلام صاير من 5 ايام وانا متغيرررره عليه احس اني اجامله
احبه وربي احبه بس كسرني جرحني

بعد المحادثه الي صارت لما رجع البيت
جلسنا نتكلم وحاولت قد ماقدر المح له ان الخيانه صعببببببه
وانا احبك ارجوك لاتجرحني واذا كان فيه شي صارحني اهم شي انك ماتخوني من وراي

قالي انتي مو واثقه فيني ومهما اسويلك ماتوثقين وشلون اخليك توثقين فيني
اناظر بعيونه ابيه يعترف ابيه ع الاقل يقولي والله اهووون علي بمليووووووون مره

بس ماقال ومستمر في كذبه يحسبني غبيه ؟؟؟
يابنات انا حتى في علاقتنا الخاصه معاه مو مثل اول صرت انفر منه احس له وجهين ماقدر اتحمله
لاحظ علي كم مره وقالي وش فيك متغيره
اطالع بعيونه وانا مكسوووووووره ابدا مافيني شي

يابنات تكفون علموني هو صحيح اغلب الرجال كذا يعني ممكن انه يحبني
بس مايقدر يترك هالاشياء يعني مايقدر يترك البنات والمكالمات
والا المشكله بزوجي وفيني !!

تعبببببت من التمثيل عليه
فكرت اني اخونه ابيه يجرب نفس الاحساس
بس هو وااااثق فيني ومستحيل يفكر اني اخونه ابي اجرحه مثل ماجرحني

وش تنصحوني وش اسوي انا احترت
فكرت اني اصارحه بس اعرف نفسي راح انفعل ويمكن اروح لبيت اهلي
واذا رحت ماراح ارجع واشك اني حامل ماقدر اتحمل التعب النفسي هذا كله :(

عارفه ان كل اللي سويته غلط بس وش اسوي من كثر حلفه لي انه مايطالع غيري ولايحب غيري سويت هالحركه اااه ليتني بقيت على غبائي ولا جرحني

ابي ارتااااااااح ساعدوني