طلعنا من الشقه بالقوه ساعدوني

السلام عليكم ورحمة الله وبركاته
اخواتي العزيزات :
انا ساكنه بشقه مره حليوه ووسيعه ومرتاحه فيها بالمره
اول ما سكنتها كل شيء خربان _ حطينا سيراميك وشرينا مطبخ
وشرينا السخانات المهم ادهرنا فيه على اساس خلاص مرتاحين فيه
وان شاء الله راح نستمر فيها 0
لكن الصدمه انه امس الله يهديه صاحب الشقه اتصل علينا وقال لازم
تفضون الشقه - خير وش صار - لا خير اخوي بيتزوج وابي شقتي له
تبينا داخت بنا الدنيا - يارجال منا ولا منا مافيه - اخر مده لكم شهر سته تكون فاضيه
تخيلوا امتحانات ماابغى اضايق عيالي بالدوشه والشيل هذا اولا:(
ثانيا ما عندي شغاله
ثالثا والاهم انا مصدومه ومتضايقه
خلاص بس كذا المسأله على كيفه - جيراني - الي انا وياهم مثل العسل على اللبن
ياربي ايش العمل:eek:
ورابعا ماعندنا للحين شقه بديله
بصراحه انا ابي دور حليو وسعره معقول الله يخليكم اذا عندكم فكره
قولوا لي عنها
وجزاكم الله خير وادعوا لي بالتساهيل والخيره ولبناتي بالتوفيق
والله الموفق :26: