طلع متزوج

السلام عليكم ورحمة الله وبركاته
.
بنات في مشكله لي ثلاثة ايام مارتحت وماعلمت اهلي ومدري ايش اسوي زوجي يقول اسكتي ومالك شغل ولا تفكين فمك
.
المشكله ماهي بسيطه بنات بل مصيبه وجتنا
^
يوم الأربعاء كشفنا انا وزوجي سيارة اخوي عند مطعم وفيها وحده واتصلت على امي وعلى خواتي قالو في بيتهم وراقبناه ومشينا وراه لين وقف عند بيت ونزلو ودخلو اتصل عليه زوجي وقال سير علينا انت وينك قال عند رجال مايمديني
^
ورحنا لفينا ورجعنا بعد ساعه إلا موقف عند البيت رجع زوجي الساعه وحده ونصف إلا سيارته موجودة عند البيت هذا
^
من بكره سلمكم الله ماقدرت امسك نفسي وعزمته وقلتله كل الي بقلبي وانا منحرقه قال خلصتي ترى هذي زوجتي كيف زوجتك ومتى متزوج قال عن طريق خطابه تزوجت بس ذبيحتين وخوياي عارفين وحاضرين زواجي وبعلن زواجي قريب وهي حامل بالبدايه كذبته وراح جابلي عقد النكاح ( متزوجها مسيار يقولي لا ماهو مسيار انا مابغى احد من بيتنا يدري ماراح يخلوني بحالي)
^
طلع متزوجها له سنه ونصف قلت ايش حدك قال راتبي وراتبي يدور بهالعذار
راتبه
4000 الاف بشركه وعليه قسط سياره ويقول مايقدر يفتح بيت وان ربي جابلي هذي الاجوديه وحبيتها
^
طلبت مهر 20 الف وذبحت ذبيحتين وشرطت تجلس عند ابوها ومها عشانهم كبار وهي تشتغل تمريض ومامنعتها من شغلها
واثثت غرفتين عندهم بالملحق
^
والحين قلبي متعلق فيها وحبها وانا تزوجتها بكر وعمرها نفس عمري 29 وماهو مسيار زواجي بس مابغيت احد يعرف انتي عارفه ابوي بيحدني على عمي
^
والحين البنت حبيتها وبعلن زواجي وإذا تكلمتي في موضوعي مانتي اختي ولا عرفك
بنات اعلم ولا اسكت ولو درو اهلي اني داريه وساكته يمكن يزعلون وولهم امي وبوي
حسبي الله ونعم الوكيل