طلقني بعد ماذوقني المر واللحين يبي يرجعني انصحوني

قصتي طويله وغريبه في البدايه زوجي رفض ياخذ من قبيلته واصر ياخذني واهله كانو رافضين بي كلمته فوق كلمتهم يعني مسيكر ومتسلط وكان اول من يخطبني سالنا وقالو رجال ونظمنه تم الزواج وكان يموت علي بس مايبين لانه معتبر هذي الرجوله تخيلو كنت راضخه له مثل العبده وكنت استحي من اهله ويبيني اسلم على اخوانه ورفضت اشتكاني عند ابوي بنتك تضايق من اهلي والله يابنات اهله مايعرفون السنع حتى امه تفتح علي باب غرفتي وسكت حتى زوجي مايدري الى الان وامه لمن جبت بنتي تبي تسيطر عليها بشكل لا يطاق وسكت ودايم تضايقني بالكلام وسكت بس المصيبه زوجي مايبين بعينه واللحين شهربي يقول مابي اهله وانا والله ماغلطت عليهم بس مره تهاوشنا وقلتله خل امك تطبخ لابوك كان جايبهم عندنا ابوه تعبان ومو عاجبه اللي اسويه حتى لبسهم قالي غسليه وغسلته كنت اطبخ لابوه نوعين وحنا نوع وكنت حامل وماكنت اقصد الكلام اللي قلته حق زعل يعني طبعا دق على ابوي وصارت خنقه كبيره ودايم يحرجني قدامهم وعند ربعه ويهاوشني واحسه يتعمد عشان يثبت رجولته طبعا ومالي راي ابدا بحياتنا لاني مره طبعا مثل مايقول وديبي بناتي على كيف اهله ودايم عندهم عشان طذا نتمشكل احسهم عليشين معي ابي اعيش حياتي وهو مو مستقل كل شي اهلي والله حتى ما اتضايق لو اخذهم معنا اويعطيهم فلوس وهم طلباتهم كثيره بيس مو هامني لانه مو مقصر معي اجلت الدراسه 3سنوات عشان القروض اللي اخذها حملت ببنتي ال2 وتعبت حيل يوميا مصدعه زوجي ماعجبه الوضع وهنا بدت الكارثه وتبدلت حياتنا والظاهر الغزو من برا لانه للاسف يشتكي للناس ويسمع منهم وبدا زوجي يتغير علي اهمال بكل معنى الكلمه صار البيت زي الفندق وسجنا بالبيت وكل نهاية اسبوع يسافر الديره وماصار يتصل كل شوي علي وماصار احد يزورني ولانطلع مع بعض ولا سوق ولا شي ويتبلى علي عند الناس ويكذب بعد وكل ماتهاوشنا دق على اي احد واشتكى ويالف من عنده ولمن يسمعون مني يعرفون انه هو الغلطان ويزعل لغلطوه وهكذا لمدة سنتين وفوق كل هذا وداني الديره بشقه اجار انا وبنتي ال2 بس واهلي بالرياض يعني مالنا الا الله ليش؟ لانه كان بيتزوج واهله رفضو وكان بيطلقني برضوه رفضو تخيلو رحنا الديره على انه عيد ونرجع ولما جا الخميس اخر العيد قلنله بكره متى نمشي قال بس انا بروح قلته وانا قال منتي راجعه بسلم الشقه واجيب العفش انصدمت وعصبت وهو مصر وفعلا سواها يس مافقدت الامل اصلي وادعي وجبته بالرومانسيه والحمد الله تغير شوي بس اوقات تجيه الحاله ويحوس الدنيا علي ونكدي بعد درجه اولى وبالنهايه طلقني عشان رحت عند اهلي لمن جو الديره اتصلت عليه قال روحي وودي بناتي عند اهلي قلت مشوار قال اجل لاتروحين قلت بروح لان عندهم غدا وعزموني ورحت فعلا دق وقال ارجعي رفضت قال اجل لاترجعين برسلك ورقتك وهو اصلا كم مره كان بيطلقني لان نفسه بمره ثانيه بي الناس حسبي الله حرشوه واضح من حاله اللي تبدل حتى الضرب يضرب من تحريشهم المهم ظليت عند اهلي وجاء الديره بس قال لعمي مابطلقها قلت اجل عطه شروطي 1,ارجع معاه واطلع من هالديره ويدفع 5000 طبعا عشان اعرف قيمتي ومن سمع بالشرط ال1قال خلاش بطلقها طابت نفسي منها مابيها والله انصدمت باعني بكل سهوله عشان حقي بالسكن معه واللحين سمعت انه بيتزوج وربعه يبونه يرجعني وانا متردده واهلي مايبوني ارجع بس بناتي ..وش اسوي ابي ارجع ومابي بس لحد الان ماكلمنا عشان الرجعه وانا بالعده
شورو علي اسفه عالاطاله والله احبه بس باعني وبيتزوج مصيبه ماتحمل اخاف تلفه عني واخاف مارجع اندم ومهددني ياخذ بناتي وانا استخرت حسبي اللع على من حرضه علي وخرب بيتي اقسم بالله شفتها بالمنام الله يرد كيدهم بنحرهم امين
ارجو الرد والنصح لو مكاني وش تسوون