طليقي وابني

طليقي نزل هو ومرتو وولادو اجازة
ماعطيت اي اهمية للموضوع وغاسلة ايدي من انو يسأل على ابنو
ابني مشان يقضي الوقت بيروح بيقعد مع ابن خالتو بمحل تبع ابوه وزوج اختي كثير محترم وطيب معو وانا بتركو يطلع ويغير جومرة مع رفقاتو ومرة عند خوالو او عند جدو وبضل حذرة لانو ام ابوه حاولت تخطفو مرتين وتهربو
مرة انستو بالمدرسه وقفت وبلغت الشرطة ومرة الامن شك فيهم على الحدود واعتقلهم وتبهذلت هي وبنتها ورجعوهم قبل مايفوتو على لبنان ولما نزل على اساس بدو ياخدو شوي وراح خطفو ايام
انا طليقي بالنسبة الي انسان حقير جدا مابيخاف الله متكبر عنجهي بس بنفس الوقت جبااان جدا وبيخاف طول عمرو كان يعملي مشاكلبس لما وقفو اهلي ضد وقفة صح انخرس وانقلع
صدفت عين طليقي على الولد سبحان الله وهو ماشي صدفة مع مرتو جوا محل الزلمة وللمصادفة كان زحمة وكان عم يساعدهم بالبيع
رجع بيحاكيني على غفلة وبيسبني اني عم شغل الولد وهو عمرو ١٣سنة واني عم استغلو واشغلو واخد اجرتو انا وحرام عليكي ودرجة حرارة تحتالصفر والدنيا ثلج ومطر وبرد ويحلف يمين انو ياخذو مني بحكم محكمة وراح رفع شكوى مع اختو
انا سكتت على كل هذا الاستفزاز بس استفزني بكلمة اني اشغلو واخد اجرتو انا
انا الحمدلله بنت خير وابي واخواني تجار من زمان وابني هذا مابقصر عليه ابدا ومعيشتو كل انواع الرفاهية وهو بنفسو بيعرف انو هذا محل زوج خالتو وانو الولد قاعد عم يتسلى مع ولاد خالتو
هو رفعها استفزاز بس مشان يحرق اعصابي وكمل اجازتو من مكان لمكان وانا عم اتبهدل
القاضي لي كان ماسك القضية سنين بيني وبينو انسان لسانو سليط وعصبي ولما رجعت القضية رجعت عندو رافع علي مية دعوى
واجا الشرطي على بيتي بلغني ورحت وهو ماحضر واكلت مية كلمة من القاضي
ولك انا مابدي اخلص منك ومن طليقك ومن ابنك بقى الله ياخذك انتي وابنك وابوه بساعة وحدة وكل ما احكي يخرسني ويكبر بالكلام واذا رديت دغري بدو ينادي على الشرطة يسحبوني للحبس
يعني وجوه القضاة كتاب العدل صارت معروفة الي حتى الشرطة صارو بيعرفوني ب ام الولد المخطوف اقسم بالله شبعت بهادل بسببو انمسحت بكرامتي ارض البلد كلها والله العظيم قبل فترة كنت بمطعم واذا بتصادفني قاضية قدام الخلق بتترك زوجها وولادها وبتقوم بتقلي ابنك لسا مخطوف ولا رجع ووين انتي هلق
شوفو على هالبهادل هي لي عم اكلها من تحت راسو الله يقصف عمرو قصف
المشكلة كل نزلة بينزلها بيعمل الفصل هذا فيني وبتبهدل بالمحاكم وابي واخواني بيلحقوني وهو بيهرب وزوجي قاعد عم يتفرج وساكت بيقلي والله مابعرف شو الحل مع هالزلمة هذا وبيروح بيتخانق مع اهلو وبيهددو بعضهم
وبعدين يعني مع هاللعنة هي