اليوم بتكلم عن شي روعه ..
شي عافلين كثير عنه بخلطاتنا وكريماتنا ..
وصراحه أنا استفدت كثير هنا وخصوصا من الأخت عابرة سبيل ربي يسعدها ..
وحبيت افيدكم بشي بسيط لكن مفعوله رووووووووووعه نظافه وبياض ولمعه وفوق هذا كله ريحه روعه ..
ملاحظه : للأمانه الصور حملتها من النت لان الهاسبند حقي مايرضى اصور شي وانزله ..
بنتكلم عن المسك المكعبات ..
ومن واقع تجربه أفضل مسك جربته مسك عبد الصمد القرشي اخذت منهم علبه فيها 6 حبات ب 60 ريال ومدري كان عليه ديسكاون او لا ناسيه والله ..
عموما حبوبات ..
المسك وزي ماتعرفون كلكم ان المسك يعتبر من المواد الحافظه والمعقمه وفوق هذا يابنات يبيض وريحته روعه ..
يعني اللي كانت تخاف تضيف الليمون بخلطاتها تضيفه بدون لاتخاف لان المسك ماده حافظه باذن الله ..
وعشان نتاكد من هالكلام نقلت لكم كلام باحثه اجرت دراسه على المسك ..
** $$ **
اما في الدراسة التي اجريت حول الاعجاز العلمي في استخدام المسك كمضاد حيوي فقد اكدت الباحثة امنة علي ناصر صديق ان المسك مقو للقلب والعيون ومنشط للقوى الحيوية وتشنجات الاطفال العصبية وتناولت الباحثة في بحثها صورا من الاعجاز العلمي لاستخدام المسك كمضاد حيوي للفطريات والخمائر المبينة لبعض الامراض للانسان والحيوان والنبات وفي هذه الدراسة تم استخدام المسك مصدرا للعلاج مضاد حيوي طبيعي من الطب النبوي, حيث ظهرت فعاليته في علاج بعض الامراض الجلدية والتناسلية للانسان والحيوان المتسببة عن الاحياء الدقيقة الممرضة مثل: الفطر الممرض الذي يصيب الجلد والشعر والاظافر, والفطر الممرض حيث اظهر المسك فعالية عالية في مقاومته وايضا ظهر له تأثير تضادي كبير تجاه الخمائر, كما يمكن استخدام المسك في القضاء على بعض الكائنات الدقيقة الممرضة للكثير من النباتات مثل فطر الفيوزاريوم, وقد تم تحضير مرهم من المسك يستخدم في علاج الامراض الجلدية التي تصيب الانسان وقد ظهرت له نتائج ايجابية كبيرة.
طيب يابنات عرفنا فوائد المسك :
- ماده حافظه ..
-يبيض ..
- ينعم ..
- ريحه حلوه ..
خليني الحين اعلمكم عن طريقتي في استخدامه واللي استفدت منها وشفت الفرق ..
وطبعا خلطه طبيعيه 100% ومامنها ضرر باذن ربي ..
مكعب مسك القرشي مبشور بشر ناعم ..
علبة جيسوليد وسط >> والجيسوليد غني عن التعريف في التنعيم والتبييض ..
علبة جليسرين طبي في الصيدليه >> يبيض وينعم ..
4 ملاعق مويا ورد>> يعتبر مقشر خفيف لأنه حمض ..
عصير ليمونتين >> يبيض وينعم ويشيل السواد المستعصي ههه
فنجال زيت لوز مر >> يبيض ويفتح البشره ..
نخلطهم سوا ونعتمد خلطة هالكريمات بعد كل ترويشه ..
وانا ادهن فيها يديني برضو دايما ..
روعه روعه روعه ونظاره يابنات موب طبيعيه ..
برب لحد يرد ~
استخدامات ثانيه للمسك :
1- يستخدم مسك مبشور مع مسحوق الشبه كمزيل عرق طبيعي (ديودرنت) وآمن وريحه تفوح نظافه ..
هذي صورة الشبه للي مايعرفونها وتلقونها عند العطار ..
2- ابشريه وحطيه باقمشه تول واربطيها بفيونكات وعلقيها بدولابك وسيارة زوجك وحمامك روعه روعه روعه ..
3-ابشري كميه منه وحطيه مع الملابس حق الشتا بفصل الصيف او حقت الصيف بفصل الشتا ..
وبس ان شاء الله تستفيدون زي ما انا استفدت ..
الموضوع من مجهزدي الشخصي واللي بتنقله تنقله بس تذكر المصدر ~
ودعواتكم يابنات ربي يرزقني السنه الجايه ببنوته حلوه واسميها النوري :04: