ظلمت انسان ,, لي يومين مو قادرة انام

السلام عليكم
اخواتي انا في هم ما يعلم فيه الا رب العالمين ارشدوني الله يرزقكم سعادة الدارين
السالفة ان اخوي يدرس ما شاء الله في الجامعة قسم طب ,,, والشهر الجاي لازم يطبق
لما عرف اخو زوجي بالموضوع قال لزوجي خله يجيب اوراقه عندي انا اعرف الدكتور بنفسه و اعرف مدير القسم بس خله يجيب اوراقه و الفين ريال رسوم تطبيق
قلنا تمام اخو زوجي وولد عمي في نفس الوقت و مو مقصر معنا
كلم اخوي الصبح قاله جبت اللي قلت لك ,,, قال معي الاوراق كاملة و الرسوم بعدين
قام يلف و يدور ويقول ما راح اجي
اخوي قال علمني طيب وين اروح ارسله لحرمة وخذت الاوراق وقالت لا تجي لين ادق عليك
مر اسبوعين وما دقت حضرتها راح يتاكد قالت له لا تجي لين ادق
مر عالموضوع شهر لما خلصت الاجازة راح المستشفى ما لقى الموظفة عندها اجازة والبديلة تقول اسفين قفلنا من زمان و زحمة ما عندنا استطاعة نقبلك و قال انا معي الرسوم طيب قالت ما عندنا رسوم اساسا
لما عرفت انجنيييييييييت ليه يخرب عالولد يعني لا اللي زين اوراقه و يكذب يقول لازم رسوم
ضغطي ارتفع يا بنات حرام اخوي مسكين تروح سنة عليه
والمشكلة انا اللي كلمته وقلت جهز اوراقك والا كان بسوي كل شي بنفسه
لما شفت زوجي بكييييت حرام عليكم غشيتوا اخوي
طبعا ما يدري زوجي وش صار
وهنا المشكلة
قلت السالفة كااااملة الا اني اعوذ بالله قلت انه قال لاخوي وين الفلوس اللي قلت لك
وهو ما قاله وينها ,,, بس في البداية قاله جهز فلوس الرسوم مع الاوراق
زوجي اللي زعله زيادة انه كذاب و غشاش وبعد حرامي و توعد ويهدد انه اذا شفه بيتضارب معه


انا طبعا هديته و حلفت عليه ما يقول له شي
والحمدلله لقينا واسطة لاخوي و مشى الحال
بس انا ما انام لاني قلت انه يبي فلوس و هو ما قال فلوس بس قال جهزت اللي قلت لك
فما ادري نيته يقصد الاوراق والا الفلوس معاها
ادري طولت عليكم بس والله تعبانة ما احب اظلم احد و هو الله يحلله ويبيحه مسامحينه على كل اللي سواه فينا
بس انا وش نصيحتكم اقول لزوجي , وولد عم ي له حق علي والا لا لاني شككت في نيته