عائلة مهوية >>> وش الجديد

عائلة مهويه ...
حياكم الله يالغوالي كلكم>>>>هذي أول طله لي بموضوع مصرقع بعد تغيير أسمي...
وبعد ماعرفتوا أني أنا عشوقه الممشوقة المطفوقه سابقاً>>> تلعب على نفسها بها اللقب الجديد
لأنها لين الحين ولين السنة الجاية بعد بتبقى مطفوقه ..

عموماً..معاي سالوفه>>(يعني سالفه) بس تصغير لها قلنا سالوفه ...

وهي تابعة لسلسة عائلتنا المهوية إلى قررت أعملها حلقات على طريقة الأفلام المكسيكية إلى ماتنتهي>>> والله يعينكم كخخخخخخ

سالفتي اليوم عن أخوي الصغير >>آخر عناقيد العنب>>>كخخخ عنب في النخل ...

المهم هذا أخوي الله يسعده ويسعدكم جميع لما جاء من المدرسة أمس قال لأمي أن رجله تعوره لأنه طاح بالمدرسة وهو صادق لأن راعي الباص قال لأخوي الكبير انه فعلاً طايح >>> أحد قالك انتي وجهك وثقي كلامك بشهود عيان ...هع هع هع يا ملحي بس إلا ياثقل دمك وطينتك..:23:

ارجعي لسالفة أصرف لك ...
عودة لكلامي اخوي بعدها ومع الوقت صارت رجوله تعوره أكثر وأكثر وشوي شوي ماعاد عرف يمشي عليها من ألامها قالت امي بعدها مبدهاااااش كلام لازم نأخذه للمستشفى نعمل له إشاعه لايكون فيها كسر او التوء >>إلى اهو عاد...

راحت أمي لأخوي إلى أصغر مني بأربع عنبات قصدها أربع عتبات لالالالا اربع سنوات..
وقالت له خذنا للمستشفى اخوك الصغير رجله بدت تشد عليه أخوي وافق انه يروح به للمستشفى بس شرط على أمي أنها تجلس وهو وخوية بيأخذون أخوي للمستشفى (قالت امي جزاك الله خير) اجل خذوه ولاتنسون شيعو رجله مب يده>>> تعرف ان اخوي مهوي مافي راسه شيء قال اخوي الله يهديك بسسس مستهينة فينا ؟! >>> وجه أمي كأنه يقول مستهينة ونص...:23:

عموماً اخوي وصديقه أخذوا أخوي للمستشفى ..
والله لايوريكم وش سوو فيه أول شيء وقفوا السيارة بعيد عن المستشفى وخلوا أخوي الصغير يطقها مشوار مشي على رجله إلى تعوره لين غرفة الأشعة وهو حالته لله ..
ولمان دخلوا على الدكتور هالدلوخ هم ويادكتورهم عملوا آشعة لركبة أخوي الدكتور بقق عيونه وقال ركبة اخوكم أفضل من ركبتي والله>>>> قل ماشاء الله انت وجهك هع هع هع..
قالوا له والله رجوله تعوره سو له على الأقل شاش على رجله عشان يتوهم انه تعالج ويسسسسكت كخخخخ اقولكم مهويين والدكتور اعدا منهم زادوا على اخوي الم رجله والله طول فترة لف الشاش على رجله وطول فترة عمل الأشعة وهم يزيدون عليه العوار وهو ساكت لأن أمي مب معه ولا لوها معه كان سوا الهوااااايل..
المهم انهم رجعوا للبيت..اخوي الصغير ماصدق خبر فك كل إلى صار له بالمستشفىعندنا بالبيت صياح..
وقالت امي لخوي وش سويتوا له ..؟!
قال ابد شوفة عينك الدكتور حط له شاش على ركبته وسوينا له اشعة على ركبته طلعت سليمه ابشرك بسس حطينا الشاش لتمووووية كخخخخخ ..
امي الله يخلف عليكم أصلاً رجله تعوره في المواطي مب في الركبه الله يخلف عليكم..
اخووووي احلفي امي كسسسم بالله وتفسخ جزمته الله يكرمكم إلا ورجوله متورمة اضعاف اضعافها ..هع هع هع والله رحمت اخوي طقها مشوار في النهاية مالقى من هالمشوار إلا زيادة عوار فوق إلى يحس به ولله رجووووله متوره بشششششكل الله لايوريكم اياها ..

عاد مالها إلا رجالها اكيد عرفتوا وش سويت.. :23:
قلت لمي هيا انا وياك نوديه>>>متعوده على هالمشاوير خبرة سنتين ...واخوي الصغير حاط يده على قلبه:32: تعقد من روحة المستشفى والله يلوم إلى يلومه والله ..
المهم حنا رحنا لنفس الدكتور>>> رحت عشان اعلمه انه داااااج ومافي راسه شيء ..
وبعدها عمل لأخوي اشعه ولقى فعلاً ان برجله كسر وعمل له جبسسسس وحطينا الشاش بركبة الدكتور >>> كخخخخ انتقام >>>تنصب
عموماً طولت عليكم الهرج..
واكيد عرفتوا مايستفاد من الكلام >>>اصلاً مافيه مايستفاد فيه مالايستفاد هع هع..
بايات يالغوالي طولت هرج...
وأشوفكم على خير...
:23: