صباح الورد والمسك والكادي..
اخواتي كيفكم كلكم؟؟
اخواتي هذا شي جاء في بالي اليوم قبل صلاه الفجر..وانا كنت اتابع قناه بدايه..
لكل من تبي الزواج تبي الوظيفه تبي اي شي..تبي امنيه تتحقق.. العانس الارمله المطلقه..اللي تخاف زوجها يعرس.. اللي تبي الذريه..اللي تبي تحقيق المستحيل..بااختصاااااااااااااار اللي تبي السعاده...
شوفي اذا تبين اللي في بالك يسير..انا وحده ابي ربي يرزقني الزوج والوظيفه ويحقق لي امنياتي..قلت بسوي هالاشياء لله...والله وبالله وتالله يااخواتي لو تسوين هالاشياء اللي بقولها وربي راح يعطيك اللي في بالك..يحقق لتس المستحيل.. انا واااااااااااااااااااااااثقه بربي اذا سويتي اللي اقولتس عليه.. سبحان الله يااخواتي انا تو مقرره اسوي هالاشياء قبل ساعتين جاتني الفكره احس ربي الهمني.. وشي المهم والاهم احس ربي يقولي لازم تكتبين هالشي بعالم حواء..وربي اني هالوقت مفروض اكون نايمه ..بس ربي سبحان الله احس اكثر من مره يقولي لو طبقتي هالاشياء انتي وبنات المنتدى راح اعطيكم اللي تبون راح تشوفون عجب العجاب...حتى اليائسه من الدنيا تسوي.. انا واثقه بربي... ياليت يااخواتي نطبق هالاشياء اللي بقولها اهم شي يكون عندتس عزيمه واصرار..انتبهي من الشيطان..ترا قبل مااقرر هالاشياء الشيطان يقول لا..بس يوم قررت ارتحت..وربي ماخلاني انام..احس ربي يقولي روحي قولي البنات حواء يسوون هالاشياء..
بسم الله يالله نبدى:
طبعا الاشياء اللي بقولها يوميا تسونها ونتفق نسويها كلنا ياليييييييييت..
اول شي: عليتس يوميا بالاستغفار الاستغفااااااااااار انتوا عارفين الايات عن الاستغفار مايحتاج اقولها...+ التسبيح اي التسبيح. تذكري ان الله اخرج يونس من بطن الحوت صح بقدرته ثم عشان كان يسبح.."فلولا ان كان من المسبحين لا لبث في بطنه الى يوم يبعثون" التسبيح شفع له بعد الله.+ التهليل والتكبير وصلاه على الرسول.. وقول ربي اني لما انزلت الي من خير فقير..انا انصحتس تشترين سبحه وترددين هالاشياء..او بيدك لما تشترين سبحه..مافي عدد معين رددي..
ثاني شي: لازم تصلين الليل..شوفي بصراحه انا وحده كنت اصليها ركعه..بس من اليوم وباذن الله راح اصليها 11 ركعه زي الرسول..راح اقرى فيها سوره البقره. سوره البقره عدد صفحتها 50..اقسميها على 10 يعني 5 صفحات في كل ركعه.. تذكري الرسول اللهم صلي عليه كان يقراء في الركعه الوحده سوره البقره وال عمران..ورجوله تتورم..هالاسبوع سمعت شييخ في بدايه يقول تسذا..المهم عاد لما تخلصين ادعي بالركعه الاخيره..وادعي بالسجود... ترى سوره البقره الرسول يقول عنها اللهم صلي عليه.. انها بركه وتركه حسره..يعني اللي فيها مرض واللي فيها عين واللي فيها حسد واللي تقول ليه انخطب وخطبتي ماتتم.. واللي واللي ...الخ اقولتس عليتس بالبقره.. تذكري ان القران شفاء ونور لتس..
الشي الثالث: نصيحه من اخت وهالشي اللي يمكن حركني اليوم وقالي سوي هالشي وراح تشوفين عجب العجاب مع اللي فوق. الا هو ان كل يوم حاولي تحفظين صفحتين او اكثر من سوره البقره..خلونا نحفظ البقره كل يوم شوي..
شوفي كم تجيتس حسنات غير عن الخيييييييييييييييييييييييير الكثير.. اساسا انتي يوميا صلي الليل يمديس من الساعه 1 ابدي وكل يوم اقري البقره تلاقين الحفظ سهل عليتس.. كل يوم اجلسي اي وقت حاولي تحفظين اللي تقدرين عليه.. ترى مافي شي صعب..ابليس وربعه هم اللي يصعبون.. انتي كوني قووووووووويه خلاص غيري حياتس بها الاشياء.." تذكري" ان الله لايغير مابقوم حتى يغيروا مابي انفسهم" غير نفستس.. والله ماينفع كل شوي نقول ليه ذيك انخطبت وليه تزوجت وليه وليه؟؟ انتي غيري من نفستس..وربي راح يعطيتس ربي اللي تبين.. باااااااااااااختصااااااااااااااااار انا مدري ليه عندي احسااااااااااااااااس بربي ان بنات عالم حواء لو سوو هالاشياء.. راااااااااااااااح ينخطبون ع طول ويتزوجون...شوفوا من الحين اقولكم والله تعزموني على العرس مالي شغل .صح الرزق بيد الله بس انا بعد قلت لكم.. قولوا لي قبل العرس بكم شهر عشان يمديني افصل فستان وانحف... ثقي ثقه تامه لو سويتي الاشياء اللي فوق وربي مدري شقولتس..انا مالي شغل تعزموني العرس.. وغير كذا لاتنسون الصدقه.. والدعاء طبعا.. شوفي اختي:
اذا نويتي تطبقين اللي فوق.. خلاص حتى لو مانويتي..اتركي المعاصي مايسير تبنين من جهه وتهدمين من جهه..مو صح.. خلاص غيري نفستس مرتن وحده.. اتركي الاغاني والمسلسلات الغيبه والحسد والفتنه والنميمه صفي النيه صفي النيه و اتركي عبايه الكتف بجميع انواعها.. امس نزلت فتوى لال الشيخ ويمكن شفتوها.. حرم العبايه حتى لو كانت واسعه تكون على الكتف حرمها.. اهم شي راس واسعه ومو مطرزه او مخصره.. المهم يالله انا من اليوم ببدى وياليت كل وحده اذا انخطبت تراسلني خاص تقولي عشان افرح...وربي ابي افرح لي ولكم.. الله يرزقني الزوج ادعوا لي...
قبل الختام
اعلنها لكم انا ماعلم الغييييييب عندي احساس لو سويتوها خلاص وربي خلاص مابقى الا العرس... شي يقولي قولي لعالم حواء لايشلون هم ..بس يفكرون بطقاقه من يحجزون.. من الحين اعلنها الدبه تنحف.. عشان العرس.. انا اولكم يووووووووووو يبي لي رجيم..مدري كيف اقاوم الكبسه السعوديه.. يالدبيات اللي سميتو انفسكم عوانس ابشركم خلاس بتعرسون ***** الله حتى العصاقيل واللي وسط..الرزق بيد الله.. بس عندي احساس. انا اقولكم جاني شي قال لازم تسوون هالاشياء اللي فوق وراااح تشوفون شي شي شي..
اليوم كم التاريخ 23\10 خلونا نحسب لاني وااااااااااااااااااااثقه بربي..
اذكروا الله وصلوا على محمد..
يالله بسم الله من يبدى معي " ودي اسميها حمله" خلونا نغير علشان نتغير"
يالله اللي تبي تبدى معي تقولي.. وتكتب تحت... يالله انا اول وحده ابدى
انا رقم 1
من رقم 2؟
لمسه دفى @lmsh_df
محررة فضية
عاااااااااااااااااااجل: اللي تبي ربي يرزقها زوج تدخل..اخيييييييييرا وداعا العنوسه..
125
8K
يلزم عليك تسجيل الدخول أولًا لكتابة تعليق.
الصفحة الأخيرة
جزاك الله خير الجزاء
والله يكتبه بميزان حسناتك يارب
وانا رقم 2