عاااجل لبنات الإمارات عن أحسن دكتور لعلاج الأكزيما

هلا اختي ..
أنا أعاني من الاكزيما صار لي فترة .. وكل ما استخدم علاج اتخف وبعد ما أوقف ترجع لي ..
بس علشان اتخف الحكة .. لازم تستخدمين لبنتج كريم مرطب باستمرار .. يعني اكثر عن مره في اليوم .. ممكن تستخدمين lipobase او اي كريم انتي اتشوفين انه يناسبها ..
واذا سمعتي عن علاج او اي شي يساعد على تخفيف الاكزيما ياليت اختي اتفدينا ..
ومشكورة :):)

اختي انا اعانيها من تقريباً 15 سنه يعني من أنا صغيره ودورت العلاج فالامارات ما لقيت غير انه يعطوج كريما يكون فيها كورتزون و إذا كان فيه حكه معاه يعطوج حبوب توقف هالحكه بس هي ترقد رقااااااااد فضيع وبصراحه كنت اكرها و يعني بالمختصر بصراحه مالقيت له علاج غير فالاكل .. لأنه مره سمعت عن الدكتوره أمل الانصاري انها كانت مصابه هي بنفسها بهذا المرض فاكتشفت انه علاجه بالغذا يعني نوعيه الطعام ... يعني تتوقفين عن تناول بعض الاطعمه اللي تهيج الجلد وإنتي لازم تعرفينها مثلا الطماط و البيض و البرتقال و الدجاج وأشيا ثانيه كالغبار .. وعندي رقم الدكتوره فالكويت إذا بغيتي تتواصلين وياها ...

ملاحظه تراني قريب حصلت الرقم من وحده فالكويت بس لحد ألحين ما رمستها .. ولا جربتها بس اح إنه علاجها بيفيدج بإذن الله تعالى

اهلا ومرحبا بكي ياغاليتي

عليكي باستشارة طبيبة الجلديه والتناسليه بالمنتدات بقسم العيادات الطبيه

وان شاء الله توجهك التوجيه السليم

ووفقكم الله :)

جزاااكن الله خير يالغاليات على الردود ،، والله يشفي بنتي ويشفيكن ويعافيكن يااااااارب

خالتي إعيالها وبنت خالي فيهم ويتقطع ويظهر دم ويلدهم شرات العيوز مع انهم اصغار وما خلو عياده أو دكتور بس ما في حل ..
مره خدامة خالي قالت لهم جربوا ماي البحر ...وجربوا وفعلا في تحسن بس حرقهم أشوي ...