ماشاء الله .. لاقوة الابالله
حلاي قديم يعني مغبر بس حبيت أذكركم فيه وبقدمه لكم بطريقه يديده من
مخيخي الله يثبتني ويعيني على طاعته
المقادير
2 بسكوت شاي
2 علبة قشطه
2 علبة فواكهه مشكله
1 علبة حليب مركز
للزينه ماصورت المقادير
2 علبة قشطه
4 ملاعق أكل كاكاو بودرة
1 فنجان قهوة عربي سكر
نكسر البسكوت
نخلط الحليب والفواكهه والقشطه لاتنسين تضيفين عصير الفواكهه مع بعض
أضفت علبة خوخ معلب بشرابه مع الخلطه السابقه
صبيته على البسكوت وخلطتهم مع بعض
غلفت الصينيه بورق المطبخ النايلون تقدرين تستخدمين شكل أي صينيه تعجبج أنا أستخدمت شكل القلب
حطي البسكوت في القالب وأضغطي عليه وأملي الفراغات اللي في القالب
يتبع لاتردون.. زين
نطلع القالب من الفريزر ونقلبه على صحن التقديم بهذي الشكل
نخلط 2 قشطه وبودرة الكاكاو والسكر مع بعض ونغطي فيه البسكوت
نسيت أصور فقرة التغطيه
نزينه بكريمه الدريم ويب المعروفه والمكسرات
شفتوا اشلون سهل
وبلشنا بالأكل لاحظوا أشلون ذايبه عشان قعدت برع الثلاجه مده طويله بس لوكانت بارده كفايه بتتماسك
شفتوا اشلون بدت تخلص
بالعافيه على قلوبكم حبايبي