عدم اهتمام زوجي فيني

طيب هو متعود يعطيك مصروف لارحتي لااهلك ؟


اذا ايه تكلمي وناقشي
واذا لا بعد قولي له المره الجايه لاجيتي تنزلين خليه الحين لاتكلميه وهو معهم بيحسب عشان الطلعه
بعدين لاجيتي تروحين قولي نبي مصروف الله يخليك لنا ومن الكلمتين الزينات ..


الله يسخره لك ي رب

لازم مصروف علشان عيالي

14134664_341694129538293_5188232828990521344_n.jpg

الله يعينك .. حركته تقهر بس بعض الرجال ما يفهموا بالمنطق فنصيحتي انك تطنشي موضوع انو يستاجر لاخوانه .. وتشتغلي بالايحاء كيف ؟ دايما امدحي كرمه وقولي ماشاء الله انتا كريم معانا وكمان ماشاء الله عليك ما تقصر مع اهلك واخوانك والله يخليك لنا وامدحيه وامدحيه وامدحيه وامدحيه وامدحي كل صغيرة وكبيرة يسوي لعياله وادعي له وهوا يسمع وعلمي اولادك يشكروه ويعبروا له لمن يعطيهم وبعد يرجعوا من بيت اهلك.




المدح استمري عليه فترة ولا تطلبي مباشرة بعد المدح عشان لا تباني انك تمدحيه مصلحة.. بعد فترة من استمرارك في المدح وشكرك له لمن يعطيك مصروف فهمية انو احتياجاتكم صارت كثيرة وكذا ولا تجيبي سيرة اخوانه واخواته ان شاء الله يديهم بالملايين .. خليه وانتي كمان خدي منه كل اللي تحتاجينه بس بالهدوء وبدون لا تجيبي سيرتهم.. حتى لو قاوم او قال ما اقدر او ما عندي .. ابدا لا تجيبي سيرتهم انتي طولي بالك واستمري بالمدح والشكر ولا تيأسي .. يعني طلبتي منه هذا الشهر منه وقالك ماعندي وفي نفس الوقت اعطي اهله شي وقدره انتي طولي بالك وقولي له خلاص لمن تقدر حتعطيني وامدحيه وادعي له.. الشهر اللي بعده حاولي مرة ثانية وهكذا.




انا عارفة مو حل سريع حياخد وقت طويل ويبغاله صبر وطولة بال وحتلاقي تغير بإذن الله..




لأنو في بعض الرجال لمن تكلميه بالمنطق وانو عيالك ايضا لهم الحق وتتحاولي تفهميه احتياجاتكم ما يفهم بالعكس يعاند ويستمر اللهم انو يبدأ يخبي عليكي اللي يعمله لاهله.. ويشوفك انو تحسدي اهله وما تحبي الخير لهم.




موفقة بإذن الله وربي يكتب لك السعادة يارب.

هو استاجر على اساس انتي وعياله تطلعون معه يعني جمعه للعائله وانتي صار لك ظرف
بس مين دفع شي خاص بين الاخوان هم متفاهمين اتوقع لو طابتيه الف حق اليومين ماراح يعطيك يخليها له هو بكل الاحوال صارفها صارفها لوناسته
وانتي بعد غلطانه ليش ماطلبتي مصروف قبل لاتركبين السيارة
الوحدة تطلب ماتستنى الزوج من نفسه يتكلم صح!!