قبل ايام من الله علي بزيارة اطهر بقعة على الارض مكة المكرمة
في مدة دامت اسبوعين وتضمنت الرحلة زيارة للطائف
ومن خلال هذا التقرير احببت ان اطرح لكم بعض المعلومات والملاحظات
و سوف ادرج بعض الصور لتتم الفائده للجميع وبسم الله نبدأ:
الرحلة كانت في يوم الجمعة الساعة الثالثه ظهرا
حضرنا الى المطار في الساعة الواحده ظهرا تحسباً لأي مشكله قد تقع
من قبل الخطوط السعودية...المطار كان مزدحم ولكن ولله الحمد استطعنا بوقت وجيز
قص البوردنق وانهاء اجرآت شحن العفش
ذهبنا للصاله الداخليه وانتظرنا حتى وقت صعود الطائرة
ولكن الرحله تأخرت ثلث ساعة عن الموعد المحدد وكما هي العاده
سلمنا بالله وركبنا الطائرة وعلى بركته لجده
صوره لمطعم المطار واسعاره مرتفعة نوعا ما
وهذى صوره لنوعية وجباتهم
وهذي وجبة الطائره (كبسة دجاج)
وفيه سباقيتي
بالنسبة للطائره فهي قديمة جداً والله يحلل القطار عنها
وزيدكم من الشعر بيت الكابتن تقل يسوق سيكل دفق عقولنا خصوصا بالاقلاع
والله ستر وماصدقنا نوصل مطار جده
نزلنا بمطار جده والله اني انصدمت من شكله لاني من زمان ماجيته
وما ادري وش هالعفوش المرمية على الارض ومالها والي
والفوضى تعم المكان والعمال اكثر من المسافرين وكل واحد
فيهم ماسكله عربية ويدفدف بخلق الله والعفش جلسنا اكثر من ساعه ماطلع
المهم بعد كل هالحوسه طلعنا وحصلنا حقين اليموزينات بوجيهنا
اللي يقول ب250 والي 240 المهم ان السعر مانزل تحت ال200 للفانات
اما السيارات الصغيره فسعرها 130 ومحد راضي ينزل السعر
والمشكله مايعطونك فرصه تسأل وين مانلتفت محاصرينا
وبما اننا عائلتين صغار فمحتاجين سياره كبيره شوي
راح ولدي بين السيارت وصار يسأل لين حصل تويوتا برافيا 2007 بسعر 140
(الغريب ان فيه واحد واقف بين اليموزينات ويحرج يوم سألنها قال هذي السيارات
كلها تبعي ومارح تحصلون سعر ثاني على باله اننا مانفهم)
ركبنا السياره وصاحبها طيب مره ولكن عيبه انه يسرع
لما وصلنا حاسبناه وقال اذا تبون بالرجعه اجيكم ماعندي مانع وعطانا كرته
طبعا واحد من قرببنا حاجز لنا شقتين بمحبس الجن
وهم الاصيل بلازا
لما شفنا الشقق انصدمنا صحيح ان الغرف كبار والبناية جديده
ولكن الفرش يجيب الهم....(سلمنا بالله وسكنا فيهم عشان مانحرج قريبنا)
زياده المصاعد زحمة وبزران ماغير يلعبون ما ادري وين اهلهم عنهم
والمصيبة ان فيه واحد من حقين الاستقبال عقّد دخولنا مع اننا حاجزين ودافعين مقدم
لكنه قال انتم ماحجزتو ولا دفعتو وكلام مال امه داعي الظاهر توه متوظف ويبي يفرض نفسه
وعلى كثر موظفينهم الا انه من سوء حظنا يوم جينا نطلع
من الشقق طلعلنا وسوالنا مشكلة ثانية طويله عريضه حتى زملاه مايبون الفضايح ويدفونه
وهو يبي يهاوش لولا ان قريبي اعصابه بارده كان صارت علوم
طبعا ريحنا لين الساعة 10 بالليل وبعدها رحنا واخذنا عمرتنا
وماخلصنا الا 12 لان المسعى كان مليان
بعدها كنا جوعانين حيل ورجنا لمطاعم ابراج البيت وطلبنا وتعشينا وطيران على الشقة
صور لابراج البيت
الاعمال لازالت جاريه
صالة الطاعم بالدور الرابع
بعدها بأربعة ايام رحنا للطائف (وسيأتي الحديث عن الطائف)وبعد مارجعنا لمكة
غيرنا السكن الى اسطنبول بلازا وهي شقق احدث وانظف واهدى وهي الاقرب
للنفق المؤدي للحرم
وباصاتهم حديثه ومكيفة وعيبهم انهم مايوصلون بعد11 بالليل
ولكن يستأنفون الساعة 3 الفجر الى 6 الصبح
ملاحظات:1-السكن في محبس الجن يعتبر افضل من السكن بحوار الحرم
لانه اشرح وانظف واهدا وارخص
2-الغريب انه فيه كثير شقق بهالمنطقه وراقية جدا ولكنها مع الاسف للرجبيين
3-الباصات متوفره لكل الشقق ولكن باصات شقق الاصيل قديمه جدا ومهترئة
اما باصات الفئة اللي فوق فحديثه ومكيفة
4- يوجد الكثير من البقالات وبها انواع المنتوجات والفواكه والخضار
5-اذا لم تجد الباص المخصص لسكنك فبأمكانك ان تركب مع اي باص آخر
شرط ان تستأذن من السائق..وللامانه فالسائقين جدا محترمين وودودين
ويحبون المساعده حتى اننا احيانا نطلب منهم النزول امام الحرم مباشره
وهو مكان غير مخصص لتوقف الباصات
الباصات لا تنتظر احد فبمجرد ركوبك يذهب بك مباشره للحرم
حتى ولوكان راكب واحد(وهذي ميزه للمستعجل)
تابعونا فهناك المزيد....
ننتظر الباقي