خالتو عبير ! @khalto_aabyr

عضوة جديدة

عذاب الضمير راح يجنني !!‎

مشكلتي: احنا اربع اخوات غير متزوجات، انا الكبيرة كنت احب شاب ( باقي اخواتي ما لهم في سوالف الحب وهالخرابيط) كنت

اريد اختي الاصغر مني بسنة تتزوج، فكنت ادعي في قيام الليل واتصدق لين ما جاها خطيب، طبعا راح تسألون ليش ما دعيت حق

نفسي انه يجيني خطيب؟ لاني مثل ما قلت لكم احب واحد وكنت وقتها معتقدة اني ما راح احب غيره ( والله اكتشفت بعد فتره من

فراقنا اني ما كنت احبه فعلا) ، المهم ظليت ادعي لين ما اختي اللي اصغر مني جاها خطيب، بس امور الخطوبة ما تيسرت، فكثفت

انا الدعوات والصدقات، ولما تعسر امر خطوبة اختي حسيت انه هالخطوبة ما فيها خير لاختي، بس مع ذلك استمرت بالدعوات

والصدقات لين ما تمت الخطوبة والحين اختي متزوجه وعندها بنت عمرها سنه و 7 اشهر، بس اختي مو سعيده، الهالات السوداء

تحت عيونها، زوجها ما يطلعها الا نادرا، راعي بنات، اختي تغيرت، كانت قبل الزواج فرفوشه وتحب الضحك الحين العكس، كل ما

اشوفها احس بتأنيب الضمير، عذاب الضمير راح يجنني، انا اعتقد انه هذا كله بسبب دعواتي، في شيء ثاني انتو بتسألون ليش

ما دعيتي لنفسك، لانه كان في شيء باعماقي يقول لي هالزواج ما راح يكون سعيد لانه واجهته عراقيل في فتره الخطوبة، بس ما

ادري ليش سويت كذا وما عندي سبب ادافع فيه عن نفسي غير اني انسانه عجولة ومتهورة، الحين كل ما اشوف اختي احس ببكي

بوجهها، انا السبب في تعاستها.. ما اعرف شو اسوي؟ كيف اتخلص من عذاب الضمير؟ هل اعترف لها؟ بس اخاف تكرهني

واهلي يكرهوني بعد، كيف اكفر عن غلطي؟ شو الحل لمشكلتي؟ ارجوكم ساعدوني ولا تطنشون

يلزم عليك تسجيل الدخول أولًا لكتابة تعليق.

تسجيل دخول

ماقبل الفجر • 14 سنة

حبيبتي كل شي مكتووووب ومقدر
سبحان الله وبحمده سبحان الله العظيم

عالم الابتكارات • 14 سنة

هذا نصيبها انتي مالك دخل

الغلا غلاها • 14 سنة

مقدر و كتوب

المكتوب على الجبين تشوفه العين

خالتو عبير ! • 14 سنة

اكيد ولا تجاملوني؟

ارجوكم لا تجاملوني

انا اريد الصراحة وما راح ازعل منها ابدا

بعدين ادري انه مقدر ومكتوب بس انا احس انه دعائي السبب بعد :(

جُمَانَه • 14 سنة

لآ والله يا اختي مالك ذنب الله اللي كتب لها هذا النصيب
الا بارك الله فيك انك تدعين لها وتصدقين وتقومين بالمعروف .. هذا مايعني انك سبب فيه ابدا ً
ادعي لها ان الله يعوضها ويصرف عن رجلها اسباب عدم انسجامهم

وانتي نصحيتي لك تتركين طريق الحب المحّرم حتى لو كان وراه زواج وتسألين الله الخير بأمرك
بالتوفيق ان شاء الله