عروس ان شاء الله ليه مو مليونيرة

السلام عليكم ورحمة الله
طبعا هذا ردي اذا قالوا عقبال مانشوفك عروس ان شاء الله اقول ليه ماتقولون عقبال مانشوفك مليونيرة هههه
صراحة مو عارفة كيف ابدا وايش اقول حابة افضفض ولعلى وعسى القى نصيحة جميلة ومفيده منكم
مشكلتي عكس كل البنات وماادري اذا فيه احد مثلي
مشكلتي اني انسانة ماابي الزواج ولا اتخيل اني اعيش مع شخص كزوج وهذا الشعور بالنسبة للي حولي مالة مبرر
قبل اكمل انا عمري 29 سنة
اكمل لكم انا اتضايق اذا احد قالي عقبال مانشوفك عروس
ورفضي لاسباب مو لسبب واحد والمشكلة كل اسبابي يشوفونها مو سبب او بعد الزواج بتتغير فكرتي وانه شي طبيعي والكل شعر فيه قبلي ومحد راضي يفهم علي لدرجة اخر مره تناقشنا انا وامي وعصبت علي وقالت ياتعطيني سبب مقنع يابنزوجك غصب عنك طبعا هي تقولها كذا بس عشان تخوفني الا انا عارفة انهم مابيغصبوني كان سووها من اول
بنات انا الحمد لله الله مكرم علي بأب مامثلة واخوان الله يخليهم لي كلهم حب وحنان وكل شي وماابغى اضيع كل هذا ماابي احكم على كل الرجال لان مو كل الناس مثل بعض ياريت تفهموني
بعض الاسباب لرفضي للزواج السبب الرئيسي محرج وعمري ماصرحت عنه غير لصديقتي
وبعض الاسباب مهمه بالنسبة لي مثلا انا انسانة قيادية وكلمتي مسموعة عند اهلي وعيلتي ويستشيروني باشياء كثيرة بس من اللي اسمعة ان الزوج يحب اللي لاقال يمين قالت سم ولا قال شمال قالت سم من غير نقاش وبعض اللي تقدمولي فيهم هذي الخصلة
وكمان اكرة الخيانة بشتى انواعها ومااعرف شي اسمة عادي كل الرجال يسوو كذا او طنشي في الاخير بيرجع لك الخيانة مثل ماهي قوية بالنسبة للرجل قوية بالنسبة للمرأه الكل عنده مشاعر وانا انسانة صحيح قوية بس قلبي ضعيف جدا
وكمان مااحب كلمة عادي هو رجال بس انتي حرمة طبعا في الغلط
كمان احس الرجال هذي الايام ماعندهم حب ممكن يستغنى عن شريكته بالساهل عادي عنده
وانا نظرتي للزواج مو بس فستان ابيض ووناسة وطلعات وبطلع من بيت اهلي والكلام اللي يقولوه البنات لا الزواج اكبر من كذا مسؤولية حب حنان مشاركة تفاهم احترام واشياء كثير احسها مو في قاموس المتزوجين ولا حرمة ولا رجال
مشكلتي الاكبر اني مو عارفة انا انانية بتصرفي هذا ولا لا تعرفون كل ام واب يبون يفرحون بعيالهم وانا مو قادره افرح امي وابوي الايام هذي نجهز لزواج اخوي وكل ماسوينا شي قالت امي متى يجي اليوم اللي اجهزكم فيه وتدمع عيونها والله مو عارفة وش اسوي
سؤال صحيح لازم ادعي لنفسي بالزوج الصالح كلهم يقولون لازم بس والله ماتطلع معاي ارفع يدي في الصلاة واقعد ساكته احاول اقولها ماتطلع بعدين اقول اللهم قدم لي كل مافيه خير لي كذا احسن صح
بنات انا قلت بكبر ومحد بيجي بس لسى ناس تتكلم وتسأل طولت عليكم ف خاطري كلام كثير بس كل
عمري مافضفضة لاحد هذي اول مره بحياتي اتكلم بشي في خاطري انتظر منكم النصح
اللي اتمناه انكم تدعولي بصلاح الحال وان الله يقدم لي كل مافيه الخير لي
بنات انا ماادخل كثير المنتدى بس باحاول اعذروني