عروس مكتئبه .. ساعدوهااااا

السلام عليكم ورحمه الله وبركاته
مساء \ صباح الخير
عندي مشكله هم ماأزق ضيقه اكتئاب احباط نفسيه كل شي مو زين اشعر به ...لماذا ؟ لاني اكره خطيبي زوجي مو خطيبي لانو خلاص ملكت وزواجي بعد شهرين ونص .. ليش اكرهه ؟ لاسباب كثيره وهيا .. شخصيته م عجبتني احسو خيخه : بيوم كتب الكتاب جاتني اخبار عنو من اختي زوجها يقول لها غشيتو اختك فيه هذا خبل راح تتحكم فيه اختك وتمشيه ع كيفها واخوي يقولي خجول والناس لما عرفو بخطوبتي قالو ي حظ الخبل فيها وانا استغربت ليش يقولو عنو خبل وااااي وقلت لازم اشوفو ورحت ابصبص عليه لما يكون عندنا واششوفو جالس مع الرجال م يسولف معاهم وحركاتو فيها دفاشه قلت يمكن خجول ومتوتر لانو مو متعود عليهم وانتظرت ليوم حفله الخطوبه عندنا الوحده م تشوف خطيبها الا بيوم الحفله وشفتو وكان عادي م لاحظت شي بس لما طلع من عندي ضحكتني المشيه ههههههه م اعرف كيف كان يمشي المهم بعد الملكه طلب رقمي وانتظره يتصل او يرسل لكن م ارسل ولا اتصل وارسلت له انا وم عندو كلام بس انا اسولف واحيانا وانا ف نص الموضوع يقولي نامي ؟؟ او يقول اضحكي واستغربت ايش فيه هذا فيه خجل وضعف شخصيه لانو احس الكل يتريق عليه,قروي مرررررا م يعرف يكتب الاملاء خطاء الفاظو م افهمها وكمان م يفهم الفاظي يعني مو متحضر لا شكليا ولا لفظيا احسه جاهل فكل شي حتى جوالو م يعرف نوعه هو ساكن ف قريه , الشكل مو وسيم ولا متوسط الوسامه مقبول الشكل يدوب ينبلع شكلو , احس م يعتمد عليه م بقي ع الزواج الا شهرين وشوي ولا رتب شي لزواج بس حجز القاعه وبس انا الي قولت له يجيب المهر ويدور عالشقه ويغير سيارتو لانها معفنه واكلمو عن مستقبلنا هو مثل الاطرش بالزفه مو قاعد يرتب شي , بالنسبه لدينه م ادري عنو ف حياته م كلمني ف شي عن الدين اصلا م يتكلم يعني مو متثقف بس يصلي وخلاص اخلاقه طيب مرا الكل يقدر ياخذ منو الي يبغا ع نياتو يعني بالمختصر توو طالع من قشر البيضه ؟!هذا كل الي اكتشفتو وكرهته .. انا كنت اتمنى زوج يكون عنده هيبه رزه شخصيت رجل يعتمد عليه ينشد الظهر فيه واحس معه ف الامان وبنفس الوقت خلوق دين وسيم ومتحضر ومتعلم يعني نفس مستواي وزوجي م فيه ولا صفه من المواصفات الي قولت هوالعكس مو متحضر ولا وسيم ولا شخصيه خلوق بس الطيب هاليومين يتضحك عليه ودين بس يصلي وبس مو متثقف ف دينه و م معو الا ثانويه وكانو م درس اصلا .. وانا بنوته طيوبه حنونه عاطفيه رومنسيه حلوه بس مو ملكه جمال خلوقه الحمدالله مهتمه ف ديني بس مو كتير ملتزمه احب الموضه اهتم فيها كثير واحب التغيير وكل شي جديد معاي بكالريوس م نشبه بعض ..ضقت لما عرفت كل دا فيه وضقت اكثر لما اهلي يتريقو عليه يشوفو كلامه معي كيف وصوته م ادري كيف صاير صاروا يضحكو عليه وع صوره صرت امسحها م احب اشوفه واتنرفز لما يكلمني ودايما امي اذا شافت اهبل ف التلفزيون قالت هادا خطيبك ولما اروح اجهز لزواجي واشري لبس مكشف يقولو لا تلبسي كذا هذا م يعرف البس الي كذا اشري حاجات رومنسيه يقولو م يعرف اقول بروح شهر عسل لدبي يقولو تضيعين معه م يعرف او اقول ابغى استاجر فندق ف ليله الدخله م ابغى ف بيتنا يقولو لا يفشلك ومرا اختي قالت لا مابغى اعزم زوجي ع خطوبتك يفشل خطيبك
وقبل يومين كنا ف ملاهي الشلال وراكبين قطار الموت وتقول امي كيف يركبه زوجك يعني دايما يتريقو عليه صابني اكتئاب صرت م احب اسمع اسمه ولا اكلمه ولا اررد ع رسايلو ومطنشه ولا اجهز لزواجي وكارهته وانفجرت وبكيت عند اهلي وقلت م ابغاه م قدرت اتقبله تعبت قالو كيف تتطلقي راح يحطو الناس العيب فيكي يشوهو سمعتك وحتى لو تتطلقي من بياخذك انتي كبيره(ع 23ونص ) تقبلي هذا نصيبك راح يصير اسمك مطلقه ..زمان كنت انتظر يوم زواجي بفارغ الصبر ودحين كارهه هاليوم صرت ادعي انو يموت اشوف بنات اقل مني جمالا متزوجين ملكين جمال وانقهر اقول انا استاهله اكثر منها واشوف فلان يمدحو فيه وبشخصيته ورزته وزوجته معفنه لا جمال ولا حتى اهتمام فالشكل كيف صابرين عليهم م ادري وانا متزوجه واحد م فيه ولا شي من الي ابغاه وه ي ناس تعبت طلاق م اقدر وكمان م اقدر اتزوجه راح اظلم نفسي واظلمه هو م يصلح لي ولا انا اصلح له احنا عكس بعض تماما
ايش اسوي انقذووووووووووووووني انصحوووووووني ساعدووووووووني
والله الكلام كثير م ادري ايش كتبت خخخخخخ فضفضت وبس المهم بليز لا تطنشو
تذكرت شي ترا اهلي م غصبوني عليه هو خطبني وكنت متردده فالبدايه لانو قروي خواتي كانو يقولو واافقي قبل تعنسي انتي كبيره وقلت البداوه مو عيب يتحضر لكن طلع عند ه مشاكل غير البداوه وكمان بداوته مستعصيه
ووووبس وشكرا