السلام عليكم اخواتي
صار لي خمس شهور من تزوجت و زوجي ثاني يوم العرس جابني من الدمام للحسا في شقتنا و من اول يوم و هو دايم يروح الديوانية و يتعشى برا و مشغول عشان مشاوير أهله مع العلم ان عنده 6 اخوان كبار عزاب و هو بالوسط و خواته و امه مايطلبون الا من زوجي و مشاويري لأغراض البيت دائماً يتأجل الى ما شاء الله و ساعات ينسى لأنه مشغول زوجي يجي من الدوام يتغدى ينام ساعة و اذا صحى يروح الملعب يجي الشقة يتروش و يطلع للديوانية و ما اشوفه الا الفجر زوجي مطلق و كانت تجربته السابقة سيئة و حاولت أسوي كل اللي ربي يقدرني عليه عشان أسعده و يستقر لاكنه مع الرغم انه وعدني انه مايقارن لكنه يقارن بيني و بينها و مرتين ناداني بأسمها و زوجي و أهله خبو عني و عن اهلي انه عنده ضعف شديد في الانجاب و ماعرفت الا بعد مادخل علي و هو من تزوجنا مايصرف علي و لايعطيني شي بالعكس ياخذ مني فلوس و يوعدني انه بيرجعها مع الرواتب و يجي الراتب و مايعطيني و انا مو مادية بس ابي احس ان زوجي مهتم فيني و الفراش دايم يتملل و ينام و انا اللي أبادر دائماً و يقول لي اهجدي انا ما ابي و اذا دقيت عليه او رسلت على الواتس دائماً يطنشني و لا يرد في فترة الخطوبة (6 شهور) كان مختلف تماماً و انا حبيته و ماودي اطلب الطلاق ابي اصلح بس مو عارفة كيف ارجع المويه لمجاريها شرحت له مشاعري كذا مرة و لاحظ أني متضايقة لكنه يطنشني و يعاند
ابي حل لأن هاذي اول تجربة زواج لي و مو عارفة ليه زوجي تغير 180 درجة من ثاني يوم زواج؟؟
Jess89j @jess89j
عضوة جديدة
يلزم عليك تسجيل الدخول أولًا لكتابة تعليق.
Nadine Abdulaziz
•
الله يساعدك ويفرجها عليكي
الصفحة الأخيرة