استخدمت نكهات كثير وعن تجربه افضل حاجه الي بنكتار بالفراوله علبتها مدوره صغيره اظن غطاها اسود واظن مافيه غيرها اصحك تروحي بيوتي سنتر لانه تقليد

ام الحلوه وش اسم النكهات اللي بالفرواله يعني بالمحل.
وش اسمها وعذرا لصاحبه الموضوع

البودرات
دائما فيها بودرة التالك وهي ماده مسرطنة
حفاظاً ع صحتك
بما انك عروس الافضل تهتمين بالنظافه الشخصيه
خلي ريحتك نظيفه
اكلك نظيف يعني بطلي وجبات سريعه
واكلات دسمه من المطاعم
ولو عزمك لا تكثري لانك اكلك ياثر على الافرازات اللي تخرج سواء العرق او الله يكرمك افرازات مهبليه
كوني شاطره لما تحسي ان افرازات زادي
لا تتشطفي بمويه وملح وما ادري ايش
انتي متزوجه
شيلي نفسك وع الدكتوره لا تهملي الالتهابات ابداً
الدوره الشهريه اهتمي بنفسك ماعاد انتي بنت
تجوعين تشربين بارد غازيات
كلها تأثر وقت ......
انتبهي كوني نبيهه
لا تسوي ليالي من اول سنه
خليها لفهم شخصيته بناء بيت اسري
اعمدته راسيه وثابته
اعرفيه اكثر من هالليالي
مو اني اعارضها بس لو بعد سنه
حبيتي تغيري جو يكون متعود ع الليالي
صلاتك عبادتك لاتغفلين عنها
لا تنامي بعد الـ ..... وانتي حتى ما توضيتي وضوء جزئي
نامي ع طهاره
صلاة الفجر هي بركة كل بيت
بعد صلاتك اقري ورد من القران يبعد الشيطان عن البيت ف تخف المشاكل بإذن الله
الاذكار حصني نفسك واستودعي زوجك كل يوم
مشاكلك ببيتك تندفن
اهلك لا يدرون عن كل شي
متى تلجئين لاهلك وقت الشديد القوي
ضرب واهانه وعنف لفظي " لعن وقذف "وغيره الله لا يجيب لها عازه

الكلام كثييييير
حبيت انبهك لانك منشغله بالليالي ونسيتي
ان اول سنتين بالزواج والاهم اول سنه
هي اساس عش الزوجيه
اسسي بيتك مزبوط
تمنيت احد قالي هالكلام بداية زواجي

بس كل هالكلام استفدته من نصايح اخواتي بحواء لبعضهم

بالنسبه للملابس
اشتري لانجري شتوي اشكالها
زي ماقالت وحده تكون احلى من الصيفيه
وجداً كيوت بس الاهم الذوق
ومافي مانع يختار لك وشاوريه

والاهم البسي وحبي نفسك وتكشخي لنفسك
اول دينك بعدين نفسك

والله يهدي سركم ويبعد الشيطان عن دروبكم
بالتوفيق يا عروسه