عزومتي لصاحباتي

السلام عليكم ورحمة الله وبركاته
كيفكم ان شاء الله تمام
البارح تجمعوا صحباتي عندي طبعا احنا نسوي دوريه وانا اول وحده بدت قبل يومين استفزعتكم ومعطيتوني وجهه الا كم وحده الله يجزيهم الف خير
عاد شغلت مخي وشغلت الذاكره وسويت اللي قدرني عليه ربي احنا الدعوه عندنا عادي لو تمر وقهوه اللي تبينه بس انا كنت عازمه ضيفه جديده وحبيت امد سفره >>>>>>>ياكثر البربره اخلصي علينا :mad:
وهذا اللي سويته
1-شوربه 2- ورق عنب 3- سلطه حمص مره احبها سريعه ولذيذه 4-محاشي (بطاط باذنجان وجزر وفليفله )
5-معجنات 6-سبنغ رول 7- قاتو بسيط مو ذاك بس انهبلوا عليه صراحه كنت متفشله منه بس لما شفتهم لهطوه قلت والله يجي مني عساه بالعافيه 8-ايس كريم توت
كنت ناويه اسوي تشز كيك بس راحة علي نومه وماصحيت الا اربع العصر ومامداني وزوجي جاب لي كل ماهب ودب من الفواكه الله يعطيه العافيه وكنسلت الحلى
اول ماجوا قدمت لهم ضيافه عربيه قهوه ونوعين من الرطب اول مره استخدم هالاسلوب احب دايما اسوي حركات بس هالمره قلت ابي اغير بعد العشاء جبت سبت الفواكه وقامو يصيحون تبين تفقعين بطونا حرااااااااااااااااااام عليك بس مع السوالف منتبهوا لانفسهم الا هم مخلصين على السبت وبالعافيه
نفسي اعرف انزل صور كان نزلتها لكم واخذت تقيمكم لي يجي مني ولالا