اخو زوجي عزابي جاء يتمشى في المنطقه الشرقيه وسوينا له عشاء بسيط وكان معاه اثنين من قرايبهم
طبعا سويت 3 انوع سلطه
سلطه خضراء عاديه
وسلطه الزبادي بالخيار والذره ورشيته بالبقسماط
وسلطه حاره << بس انا خليتها بالفلفل البارد لانهم مايحبون الحار
وسيوت كوكتيل سعودي لذيذ جدا
طريقته
تقطعين تفاحه وبرتقاله مكعبات وقليل من ورق النعناع تحطينه في جك العصير
وبعدين تصبين عليه علبتين سفن اب وعلبتين تفاح سيزر
وقبل ماتحطينته على السفره صبي عليه علبة بيره بنكهة الرمان رووووووووووووعه
طبعا اخذت الطريقه من منتدى ثاني
وسويت نوع حلى للقهوه اللي هو الحلى الاصفر من كتاب اطباق النخبه لامل الجهيمي
وسويت جلي عادي
وبعد حلى الببسي جدا سهل ولكن لذيذ ومعروووووف من زمان لكن من لذته يبقى حلوو لسفرة العشاء
طريقته
ترصين بسكوت شاهي في صينيه البيركس بعد تغميسه في ماء دافئ
وبعدين الطبقه الثانيه تاخذين علبتين قشطه وسط + ظرفين دريم ويب
اخطليها بخلاط الكيك حتى تتكثف وحطيها على البسكويت
حطيها في الفريزر خمس او عشر دقايق
وطلعيه ورصي عليه بسكوت شاهي مغمس في مويه دافيه وحاولي تضغطين عليه عشان يلصق في الخلطه
ورجعيه الفريزر خمس دقايق
الطبقه الرابعه والاخير كأس ونص بيبسي وحطي عليه ظرفين كريم كراميل وخليه يغلي على النار واتركيه يبرد واسكبيه شوي شوي على الطبقه الثالثه اللي هي البسكويت بس بشويش عشان مايرتفع البسكوت
وحطيه بالثلاجه وبالهناء والعافيه
جربووووووه يهبل نكهته وسهل جدا
وطبعا حطيت دانيت 3 نكهات
والعشاء الاساسي كبسه من برى مندي وحنيذ لحم
الصور
حلى البيبسي لذيذ جربوه
اتمنى الصور تنال اعجابكم