عزيمتنا انقلبت نكد علينا

السلام عليكم ورحمة الله وبركاته


كيفكم ياحلوات..

جايتكم اليوم وبقلبي جبال من الهم والحزن على امي
امي الانسانه الطيبه الحنونه اللي ماتشيل على احد
ولا تفهم في خرابيط الحريم وبلاويهم

تخيلو امي مسوية عزيمة كبيره وكلمت اخواتها اللي هم خالاتي
ووحده تقول مابي اجي مالي نفس
والثانية تقول علميني من عزمتي
اعزمي فلانه ولا تعزمين علانه والا ماراح اجي
امي قالت لها بكيفك انا عزمتك وانتي حره
وانا اعزم اللي ابي مو انتي تحددين لي مين اعزم ومين ما اعزم
والثالثة تقول معزومه
طيب مو اختك وعزيمتها اهم؟؟
المفروض يوقفون جنب امي ويشوفون ايش تحتاج
ويساعدونها
زي ماكنا اول
قلوبنا على بعض

المهم امي دقت علي ودمعتها على خدها
تقول هذولي اخواتي اللي محسوبين علي اخوات
بيفشلوني قدام الناس
وش اقول للناس لو سألوني عنهم
ياقلبي عليك يا امي


ولا بالنهاية دقت اللي تقول اعزمي ولا تعزمين
تقول من عزمتي
ومن بيجي
قالت لها امي وش دخلك مو انتي ماراح تجين؟
<<<عجبتني مره وبردت حرتي


ليش الناس صارو كذا
ليش القطاعه
وليش النفوس تغيرت؟؟

انا جلست افكر كذا مع نفسي
وقلت اللي صاير فينا هو شي من اثنين
ياعين والعين حق
ولا احد يقولي كل شي عين
كل واحد اعلم بحالته وظروفه
ثبت في الحلية لأبي نُعيم عن جابر بن عبد الله رضي الله عنهما، أن النبي صلى الله عليه وسلم قال: العين تُدخل الرجل القبر، وتُدخل الجمل القدر. وإسناد الحديث حسن كما ذكره الألباني في صحيح الجامع4144.

او طنزه_تريقه في احد
وحده من خالاتي كانت دايم تحكي في الناس وشفتي فلانه وشوفي علتانه



الله يثبتنا عالقول الثابت
في الدنيا والاخرة
وينصرنا على من ظلمنا
وياخذ بحقنا من الظالم اخذ عزيز مقتدر